5. Mose 5:32 - O Debleskro Drom 2021 (Sinte)

³² Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.

O Debleskro Lab 2024 (Sinte-Manouche)

³² Kanna denn yak, te krenn halauter yaake, har t'maro baro Devel kova t'menge penas. Rikrenn leskre tsele laba. Čivenn kek lendar ap i rig.

5. Mose 5:32 ပူးပေါင်းရင်းမြစ်များ

2. Rajengro liil 17:37

Un krenn, hoi me, o baro Dewel tumendar kamau, djiwenn pal miro tchatchepen, djan miro drom, un rikrenn tumen ap mire laba, hoi mukom tumende an i liil te tchinell. Kowa krenn hako tsiro, un ma mangenn wawar deblen an!

2. Rajengro liil 21:8

Un me kamau te djan i Israelitarja buder gar krik dran kau them, kai me dom lengre phurende, jaake rah jon halauter krenna, hoi me lenge penom, un ko tselo drom djan, hoi sikras len o Mose, koles miro tchatcho wast his.”

2. Rajengro liil 22:2

Un job kras, hoi mishto hi glan o baro Debleskre jaka, un djas o drom, kai leskro phuro dad o David ninna djas, un peras gar kau dromestar tele, gar ap i tchatchi rig un witar gar ap i serwi rig.

Debleskri gili 125:5

Kolen, kai tiro drom mukenn un djan ap bange dromma, deh tu, baro Dewel, i phagi khetne kolentsa, kai i wawarenge tchilatchepen krenna. Bacht te well pral o Israel!

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

Debleskri gili 80:19

Jaake kamah mer gar tiri rigjatar te djal. Muk men te djiwell! Un mer dah tiro lab an-gole.

Gosewe laba 3:2

Jaake well tut i lengsto djipen, un tire djipaskre bersha wenn pherdo latchepen.

Gosewe laba 4:27

Dja gar tele kau dromestar, gar tchatches un gar serwes. Rike tire herja pale o tchilatcho dromestar!

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Ezekiel 20:19

Me, o baro Dewel, hom tumaro Dewel. Rikrenn tumen ap mire laba, hoi tumenge sikrenn, hoi tumendar kamau! Djiwenn pal mire tchatchepaskre laba!

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

5. Mose 11:32

Jaake denn jak ap halauter, hoi o baro Dewel tumendar kamell, un ap leskre tsele tchatchepaskre laba, hoi me tumenge kau diwes penau. Un djiwenn koi pal!

5. Mose 17:11

Ap lengre laba hunte rikrenn tumen, un kolendar gar tele djan, gar tchatches un witar gar serwes.

5. Mose 17:20

Job hunte krell pes gar bares pral peskre phralende un hunte djal gar tele o baro Debleskro dromestar, gar ap i tchatchi rig un gar ap i serwi rig kolestar, hoi tchinlo hi. Palle atchell lo i rah tsiro baro rai an Israel, job un leskre mursh tchawe pal leste.

5. Mose 24:8

Te lell jek tumendar i djungelo nasslepen ap peskro mass, hoi les pale-tchiddo krell, palle denn jak, te krenn halauter jaake, har kol rashaja dran o kheer Levi tumenge penenn. Me penom lenge, hoi te krenn. Un ap kowa hunte rikrenn tumen.

5. Mose 28:14

Tu tchiwess kek lab ap i rig, hoi tuke kau diwes penau. Tu djas gar tele leskro dromestar, gar tchatches un gar serwes. Un djas gar wawar deblenge palla, te mangess len an.

5. Mose 29:8

Doleske denn jak ap kal laba, hoi tumaro Dewel tumentsa win krell. Djiwenn pal lende, te djal tumenge halauter mishto, hoi tumer krenna.

5. Mose 6:17

Rikrenn mishto o baro Debleskre laba un djiwenn jaake, har tumaro Dewel tumenge sikras. Krenn, hoi job tumendar kamell!

5. Mose 6:25

Mer te krah pal kal tsele laba un shunah ap kowa, hoi maro baro Dewel menge penas, palle ham glan leste an o tchatchepen tardo.”

5. Mose 6:3

Jaake shun kanna, Israel, un de jak te kress kowa halauter, te djal tuke mishto. Un tumer wenn i bari natsjona an ko them, kai hi bud thud un gwin, jaake har o baro Dewel, o Dewel tumare phurendar, kowa tumenge penas.

5. Mose 8:1

Rikrenn kol tsele laba, hoi tumenge kau diwes penau. Djiwenn pal lende! Jaake atchenn djido un wenn bud menshe, un nai lenn ko them tumenge dren, kolestar o baro Dewel glan tumare phurende pes sowel das, te dell lo les lende.

Josua 1:7

Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

Josua 23:6

Doleske rikrenn soreles ap halauter, hoi tchinlo hi an o Moseskre lila! Rikrenn leskre tsele laba! Tchiwenn kek lendar ap i rig!

2. Petro 2:21

Jon prindjran o tchatcho drom, un mukan les. Jon kamenn buder tchi te shunell o Debleskro lab, hoi lenge penlo was. Lenge wals feteder, te djinans jon o Debleskro drom gar.