5. Mose 5:24 - O Debleskro Drom 2021 (Sinte)

²⁴ un penan: “Dik, maro baro Dewel sikras men peskro railepen un barepen. Un mer shunam leskro rakepen dran i jag win. Kau diwes haiwam mer, te rakrell o baro Dewel i menshentsa, un o jon atchenn djides.

O Debleskro Lab 2024 (Sinte-Manouche)

²⁴ oun penan: “Dik, maro baro Devel sikras men peskro raylepen oun barepen. Oun mer shounam leskro rakepen dran i yag vin. Kava dives hayvam mer, te rakrell o baro Devel i menshentsa, oun o yon ačenn djides.

5. Mose 5:24 ပူးပေါင်းရင်းမြစ်များ

1. Mose 32:30

Penas o Jakob ap leste: “Kanna pen mange tiro lab!” Penas job: “Hoske putcheh pal miro lab?” Un job penas ‘Atch o Debleha!’ ap o Jakobeste.

1. Mose 32:31

Un o Jakob das koi platsa ko lab ‘Penuel’. Job penas: “Me dikom o Debles an i jaka. Un me merom gar.”

2. Mose 19:19

Un koi phurdepaskri das sorleder un sorleder gole. Un o Mose rakras o Debleha. Un o Dewel rakras pale ap leste jaake soreles, har o bolepen gole della.

2. Mose 20:22

Koi penas o baro Dewel ap o Moseste: Jaake peness tu ap i tsele Israelitarja: Tumer dikan, te rakrom me dran o bolepen tumentsa.

2. Mose 33:20

Mire jaka un miro mui dikess tu gar. Kek mensho, kai dikas man, atchell djido.

4. Mose 14:14

penenn le kowa kol menshenge an kau them. Kolla shunan, kai tu, baro Dewel, mashkral tire menshende hal, un kai nai dikenn jon tut, un tiri wolka pral lende tardo hi, un kai tu, o baro Dewel, glan lende djah, an i wolka ap o diwes, un rati an i jag.

5. Mose 32:3

Sharau o baro Debles. Penenn halauter: Maro Dewel kokres hi baro!

5. Mose 4:33

te shunan i menshe lengro Debles dran i jag ap lende te rakrell? Un jon atchan djido, har tumenge djas?

5. Mose 5:23

Un har shunan tumer ko rakepen dran ko kalepen un dikan har i berga chatchas, koi wan tumare pralstune pral i deesh-te-dui bare familjende un tumare phureder pash mande,

5. Mose 5:25

Un kanna, hoske meras mer? Kai bari jag chal men pre. Te shunah mer o rakepen maro baro Deblestar gomme dureder, palle merah mer.

Čačepangre 13:22

Un o Manoach penas ap peskri romni: “Kanna hunte meras! Mer dikam o Debles!”