5. Mose 4:7 - O Debleskro Drom 2021 (Sinte)

⁷ Kai hi sawi bari natsjona, kolenge lengro dewel ap i rig well, har menge maro baro Dewel ap i rig well hako kopo, kai dah mer les an-gole?

O Debleskro Lab 2024 (Sinte-Manouche)

⁷ Kay hi savi bari natsyona, kolenge lengro devel ap i rig vell, har menge maro baro Devel ap i rig vell hako kopo, kay dah mer les an-gole?

5. Mose 4:7 ပူးပေါင်းရင်းမြစ်များ

2. Samuel 7:23

Un kai hi menshe ap i phub har tire menshe Israel? Kolenge djal tu koi, te less len dran o pandepen win, te wenn le tire menshe. Ko baro un sorelo koowa, hoi tu lenge kral, kras, te wal prindjedo ap i phub. Tu tradal wawar menshen lengre deblentsa win glan tire menshende, kai tu win lal dran Egiptia, te wenn le tire.

Debleskri gili 145:18

O baro Dewel hi gar dur hakenestar, kai dell les an-gole, hakeneske, kai dell les an-gole an o tchatchepen.

Debleskri gili 147:20

Kowa kras lo kek wawar menshenge. Leskre tchatchepaskre laba prindjrenn jon gar. Sharedo well o baro Dewel!

Debleskri gili 148:14

Job das peskre menshende i soor pral i wawar menshende. Sharenn les, tumer, leskre menshe, tumer dran o Israel, kai han pash leste. Sharedo well o baro Dewel!

Debleskri gili 34:17

O baro Dewel hi gar kolentsa, kai o tchilatchepen krenna, un krell, te wenn le sik bistedo pal lengro merepen.

Debleskri gili 34:18

Te denn kolla ap leste gole, kai rikrenn ap leste, palle shunell len o baro Dewel, un lell len win dran lengri tseli bibacht.

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

Debleskri gili 73:28

Mange hi mishto, te rikrap man ap miro Debleste. Te wap pash tute, miro rai, baro Dewel, kowa hi miri bacht, te rakrap halauterestar, hoi tu kral.

Debleskri gili 85:9

Kamoms te shunap, har o baro Dewel penell, te well an leskro them un leskre menshenge kek kurepen, jaake te djas mer gar ap dinele dromma.

Jesaja 43:4

Tu hal mange jaake kutch un bud moldo, un kamau tut o tselo djijestar, te dap menshen tuke koi, un dau themma koi, te nai djiwess tu.

Jesaja 55:6

Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

4. Mose 23:21

Me dikau kek bibacht ap o Jakob un kek tchilatchepen ap o Israel. O baro Dewel hi lengro Dewel un hi pash lende. Job hi lengro baro rai, koleske giwenn le i bachtjatar.

4. Mose 23:9

Pral ap i berga hom tardo, un dikau tele ap kol menshende. Jon hi menshe, kai djiwenn penge, un djinenn, kai jon gar hi har i wawar menshe.

Bičepangre 17:27

Kowa lauter kras o Dewel, te rodenn le les, un te haiwenn le, kai job kai hi, un te hatsenn le les. Un job hi gar dur hakenestar mendar.

5. Mose 26:19

Un job krell, te weh tu o pralstuno pral i tsele wawar natsjone, hoi job kras, te wess hadedo, sharedo un railo. Tumer wenn o baro Debleskre menshe, kai leske kokres koi hi, un kek wawareske har lengro Debleske. Kowa penas job.”

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.

5. Mose 4:32

Rakrenn pral ko phuro tsiro, har tumer gomme gar koi hans, har o Dewel o menshes ap kai phub kras. Rodenn ap i tseli phub: Was sau baro koowa diklo un shunlo,

5. Mose 5:26

An kek tsiro nai shunas i mensho o rakepen o djido Deblestar dran i jag win, jaake har mer, un atchas djides?

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!