5. Mose 4:5 - O Debleskro Drom 2021 (Sinte)

⁵ Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.

O Debleskro Lab 2024 (Sinte-Manouche)

⁵ Dikenn, me sikrom t'mende, hoy o baro Devel t'mendar kamella, leskre tsele čačepaskre laba, yaake har miro baro Devel mange penas, te krenn t'mer an o them, an kova t'mer venna oun les t'menge dren lenna.

5. Mose 4:5 ပူးပေါင်းရင်းမြစ်များ

Debleskri gili 71:17

Miro Dewel, tu hal miro sikepaskro fun tiknes pre, un ninna kanna rakrau me pral ko baro koowa, hoi tu lauter kral.

2. Mose 18:20

Un sike tu len, hoi o Dewel kamella un lenge penella, te djan le ap leskro drom un krenn, hoi job lendar kamella.

Jeremia 11:6

Un o baro Dewel penas ap mande: Dja an kol forja an o them Juda, un ap kol dromma an o foro Jerusalem, un pen: Shunenn kol laba, hoi me tumentsa wi-krom, un krenn kowa ninna!

Ezekiel 20:11

Un kote penom lenge, hoi lendar kamau, har te djiwenn le pal miro tchatchepen. Miro tchatchepen hi kowa, koleha i mensho djido atchell, te rikrell lo pes ap leste.

3. Mose 19:19

Djiwenn pal kol laba, hoi tumende sikrenn, hoi me tumendar kamau! Vieche dran dui wawar mass, mukess tu gar khetne te well, te nai krenn le terne. Ap tiro kotar phub, ma witse dui koowa win, te well kowa bares. I ripen kerdo dran dui wawar thaba, well gar ap tute!

3. Mose 26:46

Kawa hi kol laba, hoi o Mose i Israelenge jaake dureder penas, har o baro Dewel leske penas ap i berga Sinai, te djinenn le, hoi o baro Dewel lendar kamell, un djiwenn pal leskro tchatchepen, un djan ap leskro drom.

3. Mose 27:34

Kawa hi kol laba, hoi penas o baro Dewel o Moseske, har his lo ap i berga Sinai, te rikrenn pen i Israelitarja ap lende.

3. Mose 7:38

Jaake penas kowa o baro Dewel ap o Moseste, har his lo pral ap i berga Sinai, ap ko diwes, kai job i Israelenge penas, te anenn le viechen o baro Debleske an o mulo tato them Sinai.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Bičepangre 20:27

Me mukom gar tele, te penap tumenge halauter, hoi o Dewel tumenge kras.

1. Korintarja 11:28

Doleske hunte dikell hakeno ap peste, har hi lo an o patsepen tardo. Un palle chal job o maro un pijell dran ko khoro.

1. Korintarja 15:3

Ko bareder lab, hoi mange penlo was, un hoi me tumenge penom, hi kawa: O Jesus Kristo meras menge, te lell lo mari doosh mendar krik, jaake har an o Debleskro lab tchinlo hi.

5. Mose 11:32

Jaake denn jak ap halauter, hoi o baro Dewel tumendar kamell, un ap leskre tsele tchatchepaskre laba, hoi me tumenge kau diwes penau. Un djiwenn koi pal!

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:2

Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.

5. Mose 4:4

Tumer, kai rikrenn tumen ap tumaro baro Debleste, tumer halauter djiwenn ninna kau diwes.

5. Mose 4:40

Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

5. Mose 5:1

Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 7:11

Jaake rikrenn tumen hako tsiro ap leskre laba, krenn, hoi lo tumendar kamell, un djiwenn pal leskre tchatchepaskre laba, hoi kau diwes tumenge penau.

5. Mose 8:11

Denn tumen jak, te bistrenn gar tumaro baro Debles, jaake te denn gar buder jak ap leskre laba, un ap leskro tchatchepen, un ap halauter, hoi job tumendar kamella, kowa hoi me tumenge kau diwes penau, te hunte krenn.

Hebrearja 3:5

O Mose budras mishto o Debleskre menshenge. Kowa, hoi job kras un penas, sikras lende, hoi o Dewel kamas te krell an ko tsiro, hoi wella. Ninna te budras o Mose mishto, his lo i Debleskro budepaskro.