5. Mose 4:40 - O Debleskro Drom 2021 (Sinte)

⁴⁰ Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

O Debleskro Lab 2024 (Sinte-Manouche)

⁴⁰ Denn yak ap kova, hoy yob t'mendar kamella, oun djivenn pal leskre laba, hoy t'menge kava dives penau. Palle djal mishto t'menge oun t'mare čavenge pal t'mende, oun t'mer djivenn i rah tsiro an kava them, hoy t'maro baro Devel t'menge della, te ačell les t'menge hako tsireske.

5. Mose 4:40 ပူးပေါင်းရင်းမြစ်များ

Debleskri gili 105:45

Kawa kras lo, te rikrenn le leskre laba, un shunenn ap kowa, hoi job lenge penas. Sharedo well o baro Dewel!

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

2. Mose 23:26

Kek romni, hoi wawartchandes hi, nashrell peskro ternepen. Un haki romni nai lell i ternepen. Hakeno well phuro.

Sikepaskro 8:12

Ninna te djiwell kowa i lengsto djipen, kai krell sheel kope fullo koowa, djinau me, te djal kolenge kokres mishto, kai djiwenn o Debleha un mukenn les lengro rai te well.

Jesaja 65:20

Un kote dell buder kek ternepen, kai gar bud diwessa phuro well, un kek phuro, kai merell glan peskro tsiro. O terneder lendar well sheel bersh phuro. Un kowa, kai merell un his kek sheel bersh phuro, kolestar penenn le, te was pral leste i bibacht win rakedo.

Jeremia 11:4

Har me tumare phuren dran o them Egiptia lom, har dran i sasterno jagakro bob, krom me lentsa win, te shunenn le ap mande, un krenn har lenge penom, palle hi jon mire menshe, un me hom lengro Dewel.

Jeremia 35:18

I menshenge dran o kheer Rechab penas o Jeremia: Kawa penell o baro Dewel, ko rai pral o bolepen un i phub, kai o Israeleskro Dewel hi: Tumer shunan ap tumaro dadeste Jonadab, un rikran tumen ap leskre tsele laba, un kran halauter jaake, har job tumenge penas,

Jeremia 7:23

Me penom lenge: Shunenn ap miro lab, palle kamau me tumaro Dewel te well, un tumer han mire menshe. Djan ap ko drom, kai me tumenge penom, palle djal tumenge mishto.

Jeremia 7:7

Palle kamau me hako tsiro pash tumende djiwell ap kai platsa, an kau them, hoi me tumare phurende dom.

3. Mose 22:31

Rikrenn tumen ap kowa, hoi tumenge penau! Un djiwenn pal kowa! Me hom o baro Dewel.

4. Mose 10:29

Un o Mose penas ap peskri romjakro phraleste, o Hobab, koleskro dad o Reguel hi dran o them Midian: “Mer djah an ko them, hoi o baro Dewel penas: Me dau kowa tumende. Kanna, ab mentsa! Palle krah tuke latcho koowa. O baro Dewel penas: Me kamau latchepen te krell ap o Israel.”

Johanni 14:15

“Te kamenn tumer man o djijestar, krenn tumer, hoi me tumenge penom.

5. Mose 11:9

Un tumer djiwenn i rah tsiro an ko latcho un brawelo them, hoi o baro Dewel pes glan tumare phurende sowel das, te dell lo les lende un lengre tchawende pal lende.

5. Mose 12:25

Te krenn jaake, hi kowa mishto glan o baro Debleskre jaka, un tumenge un tumare tchawenge pal tumende djal mishto.

5. Mose 12:28

Denn jak, te rikrenn mishto lauter dren, hoi penom tumenge. Te djiwenn jaake, hi kowa mishto un latcho glan tumaro baro Debleskre jaka. Un tumenge un tumare tchawenge pal tumende djal mishto hako tsireske.

5. Mose 22:7

I tchawen nai leh, te kameh. I dat mukess te djal, te djal tuke mishto un te djiwess i rah djipen.

5. Mose 25:15

Le sawe barra un pirja, kolen o tchatcho barepen hi! Palle djiweh i rah tsiro an ko them, hoi tumaro baro Dewel tut dell.

5. Mose 32:47

Kalla hi laba, hoi tumenge bud moldo hi. Jon hi tumaro djipen. Djiwenn pal lende, un tumer djiwenna i rah tsiro an ko them wergel o panjestar Jordan, kai kanna dren djan, te lenn les tumenge dren.

5. Mose 33:25

Job mu djiwell kek darjah pal wudja, hoi hi pandlo sasteha. Un an peskro tselo djipen mu atchell leske leskri soor!

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:2

Tchiwenn kek lab koi pashel, hoi me penom, te hunte krenn! Lenn ninna tchi kolestar krik, te rikrenn les gar. Rikrenn tumen ap i laba tumaro baro Deblestar, hoi me tumenge penau.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”

5. Mose 5:10

Latchepen un kamlepen dau me ap kolende, hoi man o djijestar kamenn un krenn, hoi me penau. Ninna lengre tchawenge, kai pal lende wenna, hom latcho, jaake rah har serja familje jek pal i wawar djiwenn.

5. Mose 5:16

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

5. Mose 5:29

Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 6:18

Te krenn, hoi tchatcho un latcho hi glan leskre jaka, djal tumenge mishto. Un tumer wenn dren an ko latcho them, kolestar o baro Dewel tumare phurenge penas, te tradell lo kolen glan tumende kote win, kai tumen gar kamenn. Un job das ninna peskro wast koi pre.

5. Mose 6:3

Jaake shun kanna, Israel, un de jak te kress kowa halauter, te djal tuke mishto. Un tumer wenn i bari natsjona an ko them, kai hi bud thud un gwin, jaake har o baro Dewel, o Dewel tumare phurendar, kowa tumenge penas.

1. Timoteo 4:8

Te dikeh ap kowa, te wenn tire mussja un herja soreles, hi kowa gar bud moldo. Te dikeh ap kowa, te well tiro patsepen soreles, hi kowa bud moldo, un tu leh o tchatcho djipen. Ko djipen dell tut o Dewel kanna ap kai phub un an ko tsiro, hoi wella.