5. Mose 4:35 - O Debleskro Drom 2021 (Sinte)

³⁵ Tumen mukas lo kowa te dikell, te djinenn, te hi o baro Dewel o tchatcho Dewel, un te dell kek wawar debles har les kokres.

O Debleskro Lab 2024 (Sinte-Manouche)

³⁵ T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

5. Mose 4:35 ပူးပေါင်းရင်းမြစ်များ

2. Samuel 22:32

Jek kokres hi o Dewel. Kowa hi o baro Dewel. Jek kokres hi har i baro sorelo bar menge, kai nai khatrah men. Kowa hi maro Dewel.

2. Samuel 7:22

Baro Dewel, miro rai, har baro hal tu! Kek hi jaake har tu! Un dell kek dewel har tu, pal lauter, hoi mer mare kandentsa shunam.

1. Rajengro liil 8:60

Palle nai dikenn i menshe an i tsele wawar themma ap kai phub, kai o baro Dewel o tchatcho Dewel hi, job un kek wawar.

2. Rajengro liil 19:19

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

1. Familjakro liil 17:20

Baro Dewel, kek hi jaake har tu! Un dell kek dewel har tu, pal lauter, hoi mer mare kandentsa shunam.

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Debleskri gili 58:11

O dji kolendar well bachtelo, kai hi an o tchatchepen tardo, te dikenn le, kai lenn i tchilatche pengri phagi. An kolengro rat thowenn le pengre pire.

Debleskri gili 83:18

An ladj un traash ap lende hako tsireske, te merenn le an i ladj.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

2. Mose 8:10

Un jon tchoran kol bud djambe khetne. Un o tselo them khandas lendar.

2. Mose 8:6

Un job penas: “Taissar.” Un o Mose penas: “Jaake har tu penal, jaake te dikess un haiwess, te hi kek wawar jaake, har maro baro Dewel.

2. Mose 9:14

Te shuneh tu kau kopo pale gar, palle kamau me i djungleder bibacht pral tute un tire pralstunende un pral tire tsele menshende te bitchrell, te dikess un haiwess, te hi kek ap kai phub jaake har me.

Jesaja 43:10

O baro Dewel penell: Mire menshe, tumer han kolla, kai djinenn, hoi me krom; un tumer han kolla, kai mange wi-rodom, te wenn mange koi. Kanna djinenn tumer un patsenn un haiwenn, te hom me o tchatcho Dewel. Glan mande was kek wawar dewel, un pal mande well witar kek wawar dewel.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Jesaja 44:8

Ma darenn, mire menshe! Ma trashenn! Mukom me kowa tumen gar te shunell un penom les tumenge gar glan i rah tsiro? Un tumer shunan un dikan les. Dell i wawar debles har man kokres? Dell i wawar sorelo debles, koles gar prindjrau?

Jesaja 45:18

O baro Dewel hi o Dewel, kai o bolepen kras. Job hi o Dewel, kai i phub kras un soreles pre tchiwas. Job kras lat gar jaake, te nai djiwell tchi koi pre. Na-a, job kras lat jaake, te well djipen ap late. Job penell: Me hom o baro Dewel, un dell kek wawar Dewel har man!

Jesaja 45:22

Tumer menshe ap i tseli phub, awenn pash mande! Un me lau tumen dran o tchilatchepen win. Me hom o Dewel un dell kek wawar har man!

Jesaja 45:5

Me hom o baro Dewel un dell kek wawar. Me kokres hom o Dewel. Me dom tut bari soor, ninna te prindjral man gar,

Markus 12:29

Penas o Jesus leske: “O bareder lab hi kowa: Shun tu, Israel! Maro Dewel hi o rai, hi kek wawar.

Markus 12:32

Un ko biboldengro tchatchepaskro penas ap leste: “Sikepaskro, tu rakral tchatchepah mishto. Hi jek Dewel kokres un kek wawar.

1. Korintarja 8:4

Nai chah mer kanna ko mass, hoi anan le glan i figura, hoi mangenn le an, har te wals li i dewel? Mer djinah halauter, kai hi i figura kek tchatcho dewel. Dell jek Dewel un kek wawar.

1. Korintarja 8:6

hi men jek Dewel. Kowa hi maro dad an o bolepen, un dran leste well halauter. Un mer ham leske koi. Un men hi jek rai, kowa hi o Jesus Kristo. Lestar was halauter. Un lestar lam mer o newo djipen.

5. Mose 32:12

Jaake kras kowa lentsa o baro Dewel, job kokres, kek wawar dewel his leske ap i rig.

5. Mose 32:23

Pale te pale anau me bibacht pral lende; me dau mire tsele faile karje an lende.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

5. Mose 33:26

Israel, kek dewel hi har tiro Dewel. Pherdo railepen hi lo beshdo ap wolke un djal pral o bolepen, te well lo ap tiri rig.

5. Mose 4:39

Jaake hunte djinenn kau diwes un bistrenn kowa gar: Dell kek wawar Dewel har o baro Dewel kokres. Kek wawar dewel hi an o bolepen un witar gar ap i phub.

5. Mose 6:4

Shun Israel! O baro Dewel hi maro Dewel, job kokres un kek wawar!

5. Mose 7:9

Djinenn: tumaro baro Dewel hi kokres o tchatcho Dewel. Job rikrell peskro lab, un hoi lo tumentsa win kras. Latchepen un kamlepen dell lo kolende, hoi les o djijestar kamenn un krenn, hoi lo penell. Ninna lengre tchawenge, kai pal lende wenna, hi lo latcho, jaake rah har seri familje jek pal i wawar djiwenn.

1. Samuel 2:2

Kek hi jaake baro un tchatcho har o baro Dewel. Dell kek wawar Dewel har job. Ap kekeste nai rikrah men har ap maro Debleste.