5. Mose 4:34 - O Debleskro Drom 2021 (Sinte)

³⁴ Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

O Debleskro Lab 2024 (Sinte-Manouche)

³⁴ Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 4:34 ပူးပေါင်းရင်းမြစ်များ

Debleskri gili 136:12

Peskro sorelo wasteha kras lo kowa. Leskro latchepen atchella hako tsireske!

Debleskri gili 24:8

Koon hi kau baro rai, kones o tselo railepen hi? Kowa hi o baro Dewel, ko sorelo kurepaskro, awa, o baro Dewel hi sorelo an o kurepen.

Debleskri gili 78:12

Glan lengre phurende kras job baro sorelo koowa an o them Egiptia, pash o foro Zoan.

2. Mose 1:9

un rakras peskre menshentsa un penas: “Kol menshe, i Israelitarja, hi budeder un sorleder har mer.

2. Mose 10:21

Kote penas o baro Dewel ap o Mose: “Hade tiro wast pre pash o bolepen! Palle well sawi kali rat pral o tselo them Egiptia, kai dikeh nai tiro wast gar glan i jaka.”

2. Mose 10:7

Kote penan i pralstune ap o Farao: “Har rah anell kau mursh gomme bibacht pral mende? Muk kol menshen te djal, te mangenn le lengro baro Debles an. Haiweh tu gar, te djal i tseli Egiptia nashedo?”

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 14:30

Jaake las o baro Dewel i Israelitarjen ap kau diwes win dran o wast i Egiptarendar. Un i Israelitarja dikan i mule Egiptarjen pash o baro pani tchiddo.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

2. Mose 19:4

‘Tumer dikan, hoi me halauter ap kol Egiptarja krom, un har anom tumen pash mande jaake har i baro tchirklo hidjrell peskre tchawen ap peskro dumo.

2. Mose 3:10

Kanna dja pash o Farao! Me bitchrau tut, te less mire menshen, i Israelitarja, win dran o them Egiptia.”

2. Mose 6:6

Doleske pen ap i Israelitarja: ‘Me hom o baro Dewel! Me lau tumen win dran tumari phari budi, hoi i Egiptarja ap tumende tchiwan. Miri bari choli well ap lende, un bari sorjah lau tumen win.

2. Mose 7:3

Me kamau leskro dji har i bar te krell, jaake te nai krap bud baro koowa an o tselo them Egiptia, te sikrap miri bari soor.

Jesaja 51:9

Baro Dewel, ste pre, ste pre! Sike tiri soor! Ste pre har an kol phure tsirja, har mare phurenge ap i rig wal. Hals gar tu kowa, kai o baro panjeskro sap, i Rahab, an kotja das?

Jeremia 21:5

Me kurau man tumentsa o sorelo wasteha, un hadau miri mussi ap tumende bari choljah, un krau miro dji pandlo tumenge.

Jeremia 32:21

Tu kral baro un sorelo koowa, hoi kek wawar nai krella, har anal tire menshen, i Israelitarjen, win dran o them Egiptia i sorelo wasteha, un i pre-hadedi mussjah, un kral bari traash i wawarenge.

4. Mose 20:16

Un mer dam pal o baro Debleste gole. Kowa shunas men un bitchras i bolepaskres. Un job anas men dran o them Egiptia win. Kanna ham an Kadesh, i foro gar dur tiro themestar.

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 10:21

Job hi kowa, koleske sharenn tumen i wawar menshe. Job hi tumaro Dewel, kai kras sawo baro un sorelo koowa pash tumende. Kowa dikan tumer tumare jakentsa.

5. Mose 11:2

Un lenn kau diwes an o dji, hoi sikras o baro Dewel tumende, un gar tumare tchawende. Kolla djinenn kowa gar. Jon dikan les gar. Tumer han, kai dikan leskro railepen un hoi lo tumenge kras peskri sorelo wasteha un pre-hadedi mussjah.

5. Mose 26:8

Un o baro Dewel kras baro un sorelo koowa, hoi kek wawar nai krell, un anas bari traash ap i Egiptarja, un anas men peskro sorelo wasteha dran o them Egiptia win.

5. Mose 29:3

Un bis ap kau diwes das o baro Dewel tumen gomme gar djia, hoi haiwenn un jaka, hoi nai dikenn un kanda, hoi nai shunenn.

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.

5. Mose 34:12

Un kek wawar djas glan i Israelitarjen sawo sorelo wasteha un kras sawo baro sorelo koowa glan lengre jaka, har kokres o Mose.

5. Mose 5:15

Ma biste, kai hals i budepaskro an o them Egiptia, un me, tiro baro Dewel, las tut win miro sorelo wasteha un pre-hadedi mussjah. Doleske penau me tuke: Rike miro diwes jaake.

5. Mose 6:21

Palle peness tu ap tiro tchaweste: “Mer hams budepangre o baro rajestar an o them Egiptia. Un o baro Dewel anas men win dran Egiptia peskri bari sorjah.

5. Mose 7:19

Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.

5. Mose 9:29

Jon hi tire menshe, kolen tu win lal dran o them Egiptia tiri bari sorjah un tiro sorelo wasteha, te wenn le tire menshe!”

Josua 24:7

kote dan le gole ap mande, o baro Debleste. Un me tchiwom rati mashkral lende un i Egiptarjen. Un mukom o baro pani pral i Egiptarjen te well. Un o pani tchakras len. Un tumare phure dikan pengre jakentsa, hoi me ap i Egiptarjen krom. Un tumer djiwan i rah tsiro an o mulo them.

1. Petro 5:6

Doleske krenn tumen tikno tel o Debleskro sorelo wast! O Debleskro tsiro wella, kai job tumen bares krella.