5. Mose 4:3 - O Debleskro Drom 2021 (Sinte)

³ Tumare jaka dikan, hoi o baro Dewel kras pash i berga Baal-Peor. Hakenes, kai o chocheno debles Baal an-mangas, maras tumaro baro Dewel mashkral tumende.

O Debleskro Lab 2024 (Sinte-Manouche)

³ T'mare yaka dikan, hoy o baro Devel kras pash i berga Baal-Peor. Hakenes, kay o rhorheno debles Baal an-mangas, maras t'maro baro Devel mashkral t'mende.

5. Mose 4:3 ပူးပေါင်းရင်းမြစ်များ

Ezekiel 20:18

Un me penom lengre tchawenge an o mulo tato them: Ma rikrenn tumen ap kol laba, pal kolende tumare phure djiwan! Ma djiwenn pal lengre tchatchepangre laba! Rikrenn tumen pale lengre chochene deblendar, te wenn tumer gar pale-tchiddo!

Hosea 9:10

O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.

4. Mose 26:64

Mashkral kolende his kek buder djido kolendar, kolengre laba o Mose un o rashai Aron an i liil tchinan, har dikan le pal, har bud jon hi, an o mulo tato them Sinai.

4. Mose 31:16

Ma bistrenn, te his kol djuwja, kai kran, hoi o Bileam lenge penas, un tserdan i Israelitarjen o baro Deblestar krik, jaake te nashan le o chocheno debles Baal-Peor palla. Doleske was ko baro nasslepen ap o Debleskre menshende.

5. Mose 11:7

Tumer dikan tumare jakentsa ko tselo baro kowa, hoi o baro Dewel kras.

5. Mose 4:4

Tumer, kai rikrenn tumen ap tumaro baro Debleste, tumer halauter djiwenn ninna kau diwes.

Josua 22:17

Hi men gomme gar doha doosh ap mende, hoi lam ap mende, har hams pash i berga Peor. Koi doosh hi bis kau diwes ap mende tchiddo, un doleske was i bari phagi pral mende, o baro Debleskre menshende.