5. Mose 4:26 - O Debleskro Drom 2021 (Sinte)

²⁶ Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

O Debleskro Lab 2024 (Sinte-Manouche)

²⁶ Kava dives dau man sovel glan o bolepen oun i phoub, te krenn t'mer savo koova, djivenn gar rah an o them, hoy t'mer dren lenna vergel o pani Yordan. Kokres i tikno tsiro ačenn t'mer koy. Palle venn t'mer lauter krik tradedo.

5. Mose 4:26 ပူးပေါင်းရင်းမြစ်များ

1. Mose 19:13

Bud djungelo koowa was glan o baro Debleskre kanda, hoi i menshe an kau foro kran. Doleske bitchras men o baro Dewel, te kras kau foro paash.”

1. Rajengro liil 9:7

palle tradau me i Israelitarjen win dran lengro them, hoi me len dom. Un ko kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral o Israel.

Jesaja 1:2

Tu, o bolepen, un tu, i phub, shunenn, hoi me, o baro Dewel, penau: Me tserdom tchawen bares. Un har jon baro wan, phagan le mantsa.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 16:13

Doleske tradau me tumen dran kau them win an i them, kai prindjrenn tumer gar un kai prindjran tumare phure witar gar. Kote hunte wenn wawar deblenge koi ap o diwes un ap i rati; me krau miro dji tumenge pandlo.

Jeremia 2:12

Dare tu, bolepen, un tut well traash pral kau koowa, penell o baro Dewel.

Jeremia 22:29

Tumer menshe an kau them, shunenn! Shunenn mishto! Shunenn o baro Debleskro rakepen:

Jeremia 32:24

I Babilonarja hi trul o foro tardo, un tchiwan phub pre, te krenn le i drom, te nai djan le an o foro dren. Kau drom djal bis pash o foreste. Sik hunte perell o foro an lengre wasta. Un i menshendar koi dren merenn bud i bokatar un ap o djungelo nasslepen. Un wawar wenn maredo o chareha. Jaake har tu kowa penal, jaake was ninna; tu nai dikeh kokres, har hi.

Jeremia 44:22

un job nai dikas buder gar, har djan ap tumaro tchilatcho drom un kran sawo djungelo koowa! Doleske was tumaro them i mulo them. I menshe, kai shunenn kolestar, denn i wasta pral o shero khetne. Un te kamenn le jekes te praassell, penenn le: Mu djal tuke har o themeske Juda! Kek mensho djiwell buder koi. Jaake hi kowa kau diwes!

Jeremia 6:19

I menshe ap i tseli phub hunte shunenn kowa. Me kamau bibacht pral kal menshende te anell. Ap mire laba denn le kek garda, un djan gar ap miro drom. Doleske lenn le pengri phagi.

Ezekiel 33:28

Un me krau o them, te well lo i wi-meredo them, te nai wenn tumer buder gar pre-phurdo un sorelo. I berge an Israel wenn i mulo them, kai buder kek pral wergel djal.

Ezekiel 36:4

Doleske shunenn, tumer berge Israel, hoi o baro Dewel penell! Kawa penell o baro Dewel, maro rai, ap i bare un tikne berge, ap i panja un tale, ap i barra, hoi i tele-phagede kherendar pral atchan, un ap i mukle forja. I menshe dran i themma trul tumende, randan tumen win, un tumer wan lenge sapaske.

3. Mose 18:28

Te krenn tumer kau them ninna pale-tchiddo, wenn tumer dran kau them win tradedo har kol wawar menshe, kai glan tumende kai his.

Micha 1:2

Shunenn tumer tsele themma! Denn jak, tumer ap i tseli phub! O baro Dewel, maro rai an o bolepen, kamell tumentsa te rakrell pral kowa, hoi kran!

Micha 6:2

Shunenn tumer phure berge, ap kolende i phub tardo hi! Denn jak, hoi hunte penell o baro Dewel peskre menshenge. Job rakrell o tchatchepen win pral peskre menshende, un penell i Israelenge, kai kowa, hoi le kran, gar mishto hi.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

5. Mose 11:17

Te krenn sawo koowa, nashte well i choli o baro Deblestar pral tumende, un job pandell o bolepen tele, te dell buder gar brishin, un i phub nai mukell tchi pre te djal. Palle merenn tumer sik win an kau latcho them, hoi o baro Dewel tumen das.

5. Mose 28:20

Te mukenn tumer o baro Debles un djan ap tumaro tchilatcho drom, bitchrell lo mank tumende bibacht un daar an halauter, hoi tumer krenna, jaake te djinenn buder gar, hoi te krenn. Jaake merenn tumer un djan sik tele.

5. Mose 28:22

Job bitchrell tumen sawo nasslepen, hoi chal tumen pre, tumaro mass well lolo un tato, un i fibro chatchell an tumende. Un job rikrell o brishin pale an tumaro them. Un i tato ducho krell, te well o djob nasselo un merell tele. Un kowa halauter well pral tumende bis te mulo han.

5. Mose 28:45

Te shunenn tumer gar ap tumaro baro Debleste un leskre laba, un krenn gar, hoi lo tumendar kamell un tumenge penas, well kai tseli bibacht pral tumende, un lell tumen palla, bis te mulo han.

5. Mose 28:61

Un ninna ko tselo wawar nasslepen un dukepen, hoi hi gar tchinlo an kau tchatchepaskro liil, mukell lo pral tumende te well, jaake rah bis te tumer mulo han.

5. Mose 29:28

Kowa hoi khatedo hi, djinell kokres maro baro Dewel. Mende sikras lo, hoi lo mendar kamell, te djiwas mer pal kal tsele laba, hoi an kau tchatchepaskro liil tchinlo hi. Kowa hi menge un mare tchawenge hako tsireske.

5. Mose 31:28

O Mose penas dureder: “Penenn, te wenn i phureder dran tumare familje un tumare pralstune kate pash mande khetne, te penap kai gili glan lengre kanda. Un ap o bolepen un ap i phub dau me gole, te shunenn jon, hoi wella pral tumende, te mukenn tumer man.

5. Mose 32:1

Tu bolepen, shun, hoi penau! Tu phub, de jak ap i laba, hoi wenna dran miro mui!

5. Mose 7:4

Kol tcha anens tumare mursh tchawen o baro Debleskro dromestar tele, jaake te mangens le wawar deblen an. Palle wals o baro Debleskri choli pral tumende, un sik marals job tumen.

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

5. Mose 8:20

har kol wawar menshe, kai o baro Dewel glan tumende marell. Tchatchepah, tumer te shunenn gar ap leskro rakepen, wenn tumer maredo.

Josua 24:20

Te mukenn tumer o baro Debles, un mangenn wawar deblen an, palle dikell lo buder gar latches ap tumende un sikrell tumenge o dumo, un anell bibacht pral tumende, bis te buder kek tumendar koi hi.”