5. Mose 4:25 - O Debleskro Drom 2021 (Sinte)

²⁵ Te djiwan tumer an o them bud bersha un tumen hi tchawe un tchawengre tchawe kote, ma krenn tumenge i debleskri figura tchomonestar! Kowa wals tchilatcho glan i jaka o baro Deblestar. Te krenn tumer sawo djungelo koowa, krenn tumer les chojedo.

O Debleskro Lab 2024 (Sinte-Manouche)

²⁵ Te djivan t'mer an o them boud bersha oun t'men hi čave oun čavengre čave kote, ma krenn t'menge i debleskri figura čomonestar! Kova vals čilačo glan i yaka o baro Deblestar. Te krenn t'mer savo djoungelo koova, krenn t'mer les rhoyedo.

5. Mose 4:25 ပူးပေါင်းရင်းမြစ်များ

2. Rajengro liil 21:2

Un job kras, hoi his tchilatcho glan o baro Debleskre jaka: ko emligo djungelo koowa, har kol wawar menshe kran, kolen o baro Dewel glan o Israel win tradas dran o them.

Debleskri gili 78:58

Jon mangan i wawarengre deblen an. Un choiran o Debles, har kran le penge chochene deblen.

2. Mose 20:4

Un tu kress tuke kek dewel, hoi wi-dikell har tchomone an o bolepen, witar gar har tchomone ap i phub un witar gar har tchomone an o baro pani.

2. Mose 32:7

O baro Dewel rakras ap o Mose: “Naash, dja tele, tire menshe, kai tu dran o them Egiptia win anal, kran djungelo koowa.

Ezekiel 8:10

Un me djom dren an i isema un dikom bud djungele figure an i massurja dren dino: sapa un wawar djungele vieche, kolen i menshe dran o kheer Israel an-mangenn.

Hosea 9:17

I menshe Efrajim shunan gar ap miro Debleste. Doleske witsrell lo len pestar krik. Jon wenn naashepangre an i wawar themma.

Hosea 9:9

Tumaro tchilatcho koowa, hoi krenn, hi jaake djungelo har kowa, hoi was kerdo an o foro Gibea glan i rah tsiro. Doleske bistrell o baro Dewel gar tumari doosh un dell tumen tumari phagi.

1. Korintarja 10:22

Ma choirenn o Debles! Mer ham gar sorleder har job.

5. Mose 16:22

Tumer hunte tchiwenn kek barra pre, te mangenn i wawar debles an. Sawo koowa hi djungeles glan o baro Debleskre jaka.

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

5. Mose 28:45

Te shunenn tumer gar ap tumaro baro Debleste un leskre laba, un krenn gar, hoi lo tumendar kamell un tumenge penas, well kai tseli bibacht pral tumende, un lell tumen palla, bis te mulo han.

5. Mose 28:61

Un ninna ko tselo wawar nasslepen un dukepen, hoi hi gar tchinlo an kau tchatchepaskro liil, mukell lo pral tumende te well, jaake rah bis te tumer mulo han.

5. Mose 30:18

palle penau me tumenge kau diwes: Tumer djiwenn gar i rah tsiro an ko them wergel o pani Jordan, an koleste tumer djan, te lenn les tumenge dren.

5. Mose 30:19

Kau diwes dau gole ap o bolepen un ap i phub, te dikenn le: O djipen un o merepen tchiwom me glan tumende, o Debleskri bacht un i bibacht. Jaake rodenn tumenge o djipen win, te atchenn djido, tumer un kolla, kai tumendar wenna.

5. Mose 31:29

Me djinau, pal miro merepen dukrenn tumer o baro Debles, un djan ko dromestar tele, hoi tumende sikrom. Tumer krenn, hoi tchilatcho hi glan o baro Debleskre jaka, un mangenn wawar deblen an, un choirenn les koleha. Doleske well bari bibacht pral tumende.”

5. Mose 32:5

Tumer mukan leskro drom, un han buder gar moldo te kharenn ‘leskre tchawe’. Pherdo tchilatchepen un chochepen han tumer.

5. Mose 4:16

Doleske krenn tumenge kek figura, hoi an-mangenn! Kowa wals i tchilatcho koowa glan o Debleskre jaka, te krans tumer tumenge i dewel, hoi win dikell har i mursh, i djuwel,

5. Mose 4:23

Kanna denn tumen jak, te bistrenn gar, hoi tumaro baro Dewel tumentsa win kras! Ma krenn tumenge i figura tchomonestar, hoi mangenn an, har te wals i dewel. Tumaro baro Dewel penas tumenge soreles, te krenn kowa gar.

Josua 24:20

Te mukenn tumer o baro Debles, un mangenn wawar deblen an, palle dikell lo buder gar latches ap tumende un sikrell tumenge o dumo, un anell bibacht pral tumende, bis te buder kek tumendar koi hi.”