Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




5. Mose 4:24 - O Debleskro Drom 2021 (Sinte)

24 Job hi i soreli jag, hoi halauter pre chatchrell, un kamell, te kamenn tumer les kokres.

အခန်းကိုကြည့်ပါ။ ကော်ပီ

O Debleskro Lab 2024 (Sinte-Manouche)

24 Yob hi i zoreli yag, hoy halauter pre rhačrell, oun kamell, te kamenn t'mer les kokres.

အခန်းကိုကြည့်ပါ။ ကော်ပီ




5. Mose 4:24
28 ပူးပေါင်းရင်းမြစ်များ  

Kowa halauter kras o baro Debles jaake chojedo pral o foro Jerusalem un o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.


Tiro wast hatsell hakenes, kai kamell tuke tchilatchepen te krell. Tiro tchatcho wast hatsell kolen, kai pen ap tute choirenna.


Jon mangan i wawarengre deblen an. Un choiran o Debles, har kran le penge chochene deblen.


Railo un baro hal, un khetne stakral, koon pes pral tute hadas. Tiri choli was har i jag pral lende. Har i jag o phuss chatchrell, jaake lendar tchi atchell.


Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.


O railepen o baro Deblestar his glan i Israelengre jaka har i bari jag, hoi pral ap koi berga chatchella.


Jaake anau tumen an ko them, kai hi bud thud un gwin. Me wau gar tumentsa. Tumer djiwenn pal tumaro shero un kamenn gar te shunell. Un me doms nai tumen mulo ap o drom, te djoms tumentsa.”


Mangenn kek wawar Debles an! Me, o baro Dewel, kamau, te kamenn man kokres. Me kamau kokres te wap tumaro Dewel.


Un ko Dewel, kai o Israeleskri momeli hi, well i jag, awa, lengro Dewel well i jagakri tchip, un chatchrell i subjengre burra un o subjengro senlepen pre ap jek diwes.


Dikenn, o baro Dewel wella fun dural. Leskri choli hi baro, un i pesso jagakro ducho well dran leskro nak. Pherdi choli hi leskro rakepen. un leskri tchip hi har i jag hoi lauter pre chatchrell.


I rah tsiro hi i chatchepaskri platsa kerdo, dur tele djal li un buchles hi li. Ninna o baro rajeske hi li kerdo. Jag hi koi un bud kashta chatchepaske. Un o ducho o baro Deblestar phurdell soreles koi pre, un krell i jag, hoi lauter pre chatchrella.


Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.


Me hom o baro Dewel, kowa hi miro lab. Un ko railepen, hoi mange hi, dau me kek wawares, witar gar dau i chochene deblen ko sharepen, hoi mange hi.


Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.


O baro Dewel hi i Dewel, kai kamell, te mangenn i menshe kek wawar debles an har les kokres. Leskri choli well pral kolende, kai hadenn pen pral leste. Kolen, kai kamenn lestar tchi te djinell, dell job i phagi. Un bistrell gar, hoi jon ap leste kran.


Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.


Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.


Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.


“O Pinhas, koleskro dad o Eleasar hi, un koleskro papo o rashai Aron his, kowa las miri choli kol Israelendar krik. Job his jaake chojedo har me homs, un kras, te marom me gar i tsele Israelitarjen an miri choli.


Ma choirenn o Debles! Mer ham gar sorleder har job.


Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.


O Debleskre menshe nashan wawar deblen palla, un dukan pengro Debles. Ko djungelo koowa, hoi le kran, kras les chojedo.


Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.


Tiro baro Dewel hi mank tumende un kamell te kamess les kokres. Te rikreh gar pash leste, well leskri choli pral tute, un job lell tut krik i phubjatar.


Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.


Ma bistrenn, maro Dewel hi jaake har i soreli jag!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ