5. Mose 4:20 - O Debleskro Drom 2021 (Sinte)

²⁰ Tumen las o baro Dewel dran o them Egiptia win, har dran i sasterno jagakro bob, jaake bud duka hunte lan kote ap tumende. Tumen las lo koi win, te wenn tumer leskre menshe, kai kokres leske koi hi, jaake har kowa ap kau diwes kate ninna hi.

O Debleskro Lab 2024 (Sinte-Manouche)

²⁰ T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

5. Mose 4:20 ပူးပေါင်းရင်းမြစ်များ

1. Rajengro liil 8:51

Jon hi tire menshe, kai tu tuke wi-rodal, un win anal dran o them Egiptia, har dran an i bob, kai bud jag dren hi.

Debleskri gili 135:4

O baro Dewel rodas peske o Jakobeskre menshen win, awa, o Israel las lo, te well lo leskro.

Debleskri gili 28:9

Ab ap i rig tire menshenge! Tchip tiri soor un tiri bacht ap mende, kai tiro ham! Ab hako tsiro har i bakrengro menge, kai dell jak ap peskre bakrende un dell len lauter, hoi len hunte well djipaske!

Debleskri gili 33:12

Bachtele hi kol menshe, kolengro Dewel o baro Dewel hi, kol menshe, kai job peske wi-rodas, te wenn le leskre menshe.

2. Mose 1:13

un kran, te budrenn i Israelitarja gomme phareder.

2. Mose 1:14

Len his kek dji lenge un kran lengro djipen phares. Un i Israelitarja hunte chatchan barra dran tchik. Ninna hunte budran le phares ap i hachetikri phub.

2. Mose 34:9

“Miro rai, te dikeh tu latches ap mande, palle dja mentsa, ninna te djan kal menshe pal pengro shero. Biste mari doosh un ko tchilatcho koowa, hoi kram, un muk men pale tire menshe te well.”

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

Jesaja 30:6

Kate sikrell o Dewel, hoi pral i viechende an o mulo tato them Negev wella: An o them pherdi daar un traash, kai djiwenn o lewo un i lewetsa, ninna tchilatche sapa un wawar sapa, kolengro dandepen o merepen anell, kote hunte hidjrenn i burike pharo koowa ap pengro dumo, un i khamele bud kutch koowa ap pende, hoi anenn i menshe dran Juda pash kol menshende, kolendar jon tchi hi.

Jesaja 48:10

Dik, jaake har rup an i jag tchiddo well, te wenn i djungele barra win, jaake mukom tumen an phare tsirja te well, te wenn djudjo mange.

Jeremia 11:4

Har me tumare phuren dran o them Egiptia lom, har dran i sasterno jagakro bob, krom me lentsa win, te shunenn le ap mande, un krenn har lenge penom, palle hi jon mire menshe, un me hom lengro Dewel.

Daniel 3:26

Un o Nebukadnezar djas pash ko wudar ko bobestar un das gole: “Shadrach, Meshach un Abed-Nego, tumer budepangre o pralstuno Deblestar, awenn koi win, un wenn pash mande!” Un o Shadrach, o Meshach un o Abed-Nego djan win dran i jag.

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

Efesarja 1:18

Me mangau lestar, te krell lo tumare djia pre, te dikenn tumare djijeskre jakentsa, har baro un shukar kowa hi, hoi job i patslende della ap ko tsiro, kai wenn le pash leste an o bolepen khetne. Job das tumen gole, te lenn kowa lauter.

5. Mose 14:2

Tumer han o baro Debleskre menshe. Job hi tumaro Dewel. Tumen rodas lo win dran i tsele themma ap i phub, te wenn i natsjona, hoi leske hi.

5. Mose 26:18

Kau diwes penan tumer glan leste: ‘Awa, mer kamah leskre menshe te well, jaake har job penas, un kamah leskre tsele laba te rikrell.’

5. Mose 32:9

I Israelitarja hi leskre menshe. Jon, o Jakobeskre tchawe, hi kolla, kai rodas lo peske win.

5. Mose 7:6

Tumer han menshe, kai hi o baro Debleske kokres koi. Tumen rodas lo win dran i menshen an i tsele themma, kai ap i phub hi, te wenn tumer leskre menshe.

5. Mose 9:26

Un me mangom o baro Debles un penom: “Baro Dewel miro rai, ma mare tire menshen, kol menshen, kai tu win lal dran o them Egiptia tiri bari sorjah un tiro sorelo wasteha, te wenn le tire menshe!

5. Mose 9:29

Jon hi tire menshe, kolen tu win lal dran o them Egiptia tiri bari sorjah un tiro sorelo wasteha, te wenn le tire menshe!”

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.