5. Mose 4:13 - O Debleskro Drom 2021 (Sinte)

¹³ Un job kras tumentsa win, te hi lo tumaro Dewel, un tumer han leskre menshe. Un job das tumen kol deesh laba, hoi tchinas lo an dui barra, un penas tumenge, te hunte rikrenn tumen ap kowa, hoi tumer leha win kran un hunte djiwenn pal kol deesh laba.

O Debleskro Lab 2024 (Sinte-Manouche)

¹³ Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.

5. Mose 4:13 ပူးပေါင်းရင်းမြစ်များ

1. Rajengro liil 8:9

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

Debleskri gili 119:4

Tu, baro Dewel, penal menge, hoi te kras mer, te rikras mer kowa hako tsiro.

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,

2. Mose 24:12

Un o baro Dewel penas ap o Moseste: “Ab pash mande ap i berga pre un atch kote, te dap tut kol barra, kai tchinom mire laba dren, te sikrap mire menshende, har te djiwenn le, te djinenn jon, hoi te krenn un hoi te krenn gar.”

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 34:1

O baro Dewel penas ap o Moseste: “Kre tuke dui bare barra, har kolla his, kai tu paash dal! Palle kamau me pale kol laba dren te tchinell, hoi an i wawar barra tchinlo his.

2. Mose 34:28

Star-desha diwessa un ratsja atchas o Mose ap i berga pash o baro Debleste. An kowa tsiro chas lo tchi un pijas lo tchi. Job tchinas kol deesh laba ap kol dui barra, – kol laba, kai penenna, hoi o Dewel peskre menshendar kamella.

Remarja 9:4

Jon hi Israelitarja. Kolen rodas o Dewel win, te wenn le leskre tchawe. Lende sikras lo peskro railepen. Lentsa kras lo win, te well lo lengro Dewel un jon peskre menshe. Lende das lo peskre laba, hoi penenna, har te djiwenn le, ninna kol laba, hoi sikrenna, har te budrenn le leske an peskro kheer. Lentsa rakras lo pral o djipen un o brawlepen, hoi kamell lo len te dell an ko tsiro, hoi wella.

2. Korintarja 3:7

Kol phure tchinle laba, hoi anenn i menshen an o merepen, his tchinlo ap i barra. Har anas o Mose i menshenge kol barra, was leskro mui jaake railes, te dikan nai i Israelitarja gar ap leste. Jaake dikah, ninna ap o phuro drom was o Debleskro railepen diklo, ninna te djas ko railepen pal i tikno tsiro krik.

5. Mose 4:12

Un o baro Dewel rakras ap tumende dran koi jag win. Leskro rakepen shunan tumer, un dikan kekes.

5. Mose 4:14

An ko tsiro penas o baro Dewel mange, te sikrap tumen, hoi lo tumendar kamell un leskre tchatchepaskre laba, te djiwenn pal lende an ko them, an kowa tumer dren djan, te lenn les tumenge dren.

5. Mose 5:22

Kal laba rakras o baro Dewel ap tumende halauter, har wan khetne pash i berga. Dran i jag win, dran koi kali pessi wolka win rakras lo bari goljah. Kek wawar lab tchiwas lo pashel. Un job tchinas len ap dui barra un das len mande.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.