5. Mose 4:12 - O Debleskro Drom 2021 (Sinte)

¹² Un o baro Dewel rakras ap tumende dran koi jag win. Leskro rakepen shunan tumer, un dikan kekes.

O Debleskro Lab 2024 (Sinte-Manouche)

¹² Oun o baro Devel rakras ap t'mende dran koy yag vin. Leskro rakepen shounan t'mer, oun dikan kekes.

5. Mose 4:12 ပူးပေါင်းရင်းမြစ်များ

2. Mose 19:9

Kote penas o baro Dewel ap o Mose: “Shun, an i pessi wolka khatemen wau me pash tute. Jaake te nai shunenn i tsele Israelitarja, hoi me tuke penau, jaake te patsenn le tut hako tsireske.” Un o Mose penas o baro Debleske, hoi i Israelitarja penan.

2. Mose 20:22

Koi penas o baro Dewel ap o Moseste: Jaake peness tu ap i tsele Israelitarja: Tumer dikan, te rakrom me dran o bolepen tumentsa.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Jesaja 40:18

Koon hi har o Dewel? Hi tchomone jaake har job?

Jesaja 40:3

Shunenn! Koi dell jek gole: “Krenn o baro Debleske o drom an o mulo tato them, te nai well lo pash i menshende! Lenn halauter krik, hoi maro Debleske an o drom tchiddo hi!

Jesaja 40:6

Un shunom, har jek penas: “Rake tire menshentsa!” Un me putchom: “Hoi dap gole?” “I tsele menshe hi har khass, un har diwje blume djiwenn le kek rah tsiro.

4. Mose 12:8

Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Mateo 3:17

Un i rakepen dran o bolepen penas: “Kawa hi miro tchawo, koles me kamau. Pral leste hom me bachtelo.”

Mateo 3:3

O Johanni hi ko mursh, kolestar o Debleskro rakepaskro, o Jesaja, penas: Kote hi jek, kai an o mulo them gole della un penella: Krenn o drom o Debleske, te nai well lo pash i menshende! Lenn halauter krik, hoi o Debleske an o drom tchiddo hi.

5. Mose 10:4

Un har o glanstuno kopo tchinas job kol deesh laba, kolen o baro Dewel ap i berga dran i jag win ap tumende penas, har tumer halauter koi khetne wan. Un o baro Dewel das kol barra mande.

5. Mose 4:11

Kote wan tumer un hans tella pash i berga tardo, un i berga chatchas bis pre an o bolepen. Trul late his kale wolke un baro tamlepen.

5. Mose 4:13

Un job kras tumentsa win, te hi lo tumaro Dewel, un tumer han leskre menshe. Un job das tumen kol deesh laba, hoi tchinas lo an dui barra, un penas tumenge, te hunte rikrenn tumen ap kowa, hoi tumer leha win kran un hunte djiwenn pal kol deesh laba.

5. Mose 4:15

Jaake denn jak, te bistrenn gar: Ap ko diwes, har o baro Dewel pash i berga Horeb, dran i jag win tumentsa rakras, dikan tumer les gar.

5. Mose 4:33

te shunan i menshe lengro Debles dran i jag ap lende te rakrell? Un jon atchan djido, har tumenge djas?

5. Mose 4:36

Dran o bolepen win rakras lo ap tumende, te sikrell lo tumen leskro drom. Un ap i phub mukas lo tumen peskri bari jag te dikell. Un dran koi jag win shunan tumer kol laba, hoi job ap tumende rakras.

5. Mose 5:22

Kal laba rakras o baro Dewel ap tumende halauter, har wan khetne pash i berga. Dran i jag win, dran koi kali pessi wolka win rakras lo bari goljah. Kek wawar lab tchiwas lo pashel. Un job tchinas len ap dui barra un das len mande.

5. Mose 5:4

Kote ap i berga rakras job dran i jag win, jak an jak tumentsa.

5. Mose 9:10

Un o baro Dewel das man dui barra, an kolende job peskro gushteha kol laba tchinas. Glan kowa penas lo kol laba ap tumende, har khetne wan pash i berga, un i berga pherdi jag his. Dran i jag win rakras lo tumentsa.

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

Hebrearja 12:19

Jon shunan i bashepaskri, kai jek dren phurdas. Ninna shunan le i sorelo rakepen, hoi penas: Hakeno, kai taprell koi berga i wastentsa, hunte well i barrentsa maredo. Ninna ko viecho hunte merella, hoi kote djala. Har jon kol laba shunan, djas kowa lenge jaake an o dji, te mangan le o Mosestar, te wenn kol sorele laba buder gar ap lende rakedo.