5. Mose 4:10 - O Debleskro Drom 2021 (Sinte)

¹⁰ hoi djas ap ko diwes, har tumer glan tumaro baro Debleste tardo hans pash i berga Horeb. Kote penas job ap mande: “An i tsele menshen khetne, te shunenn le, hoi lenge penau, te krenn le hako diwes, hoi lendar kamau, jaake rah har djiwenn le, un te penenn le kowa ninna pengre tchawenge.”

O Debleskro Lab 2024 (Sinte-Manouche)

¹⁰ hoy djas ap ko dives, har t'mer glan t'maro baro Debleste tardo hans pash i berga Horeb. Kote penas yob ap mande: “An i tsele menshen khetne, te shounenn le, hoy lenge penau, te krenn le hako dives, hoy lendar kamau, yaake rah har djivenn le, oun te penenn le kova ninna pengre čavenge.”

5. Mose 4:10 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

Debleskri gili 145:4

Ninna mare tchawengre tchawe sharenn, hoi tu kral, un rakrenn pral tiro sorelo koowa.

2. Mose 19:1

Un i Israelitarja djan penge dran Refidim un wan an o mulo tato them Sinai. Ap kowa diwes his triin tchonna, har nashan le dran o them Egiptia. Un jon atchan glan i berga.

2. Mose 19:11

Jaake te wenn le djudjes mange koi tardo o triinto diwes. Ap o triinto diwes wau me, o baro Dewel, glan i tsele menshende tele ap i berga Sinai.

2. Mose 19:16

Ap o triinto diwes taissarlake das o bolepen bari gole, un jag das tele karje, un i pessi wolka his pral i tseli berga, un i phurdepaskri das bari gole. Un i tsele Israelitarja lan i bari traash, te trissan lengre kokale.

2. Mose 19:9

Kote penas o baro Dewel ap o Mose: “Shun, an i pessi wolka khatemen wau me pash tute. Jaake te nai shunenn i tsele Israelitarja, hoi me tuke penau, jaake te patsenn le tut hako tsireske.” Un o Mose penas o baro Debleske, hoi i Israelitarja penan.

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 20:20

Koi penas o Mose: “Ma darenn! O Dewel was, te dikell lo, te krenn tumer, hoi job tumenge penas. Job kamell te shunenn ap leste un krenn kek tchilatcho koowa.”

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Jesaja 38:19

Kolla, kai djiwenn, awa, i djide hi kolla, kai sharenn tut, jaake har me sharau tut kau diwes. I dada penenn pengre tchawenge, kai tu tiro lab rikreh.

Louka 1:50

Job kras peskro dji pre kol phurenge un kolengre tchawenge, lauterenge, kai shunenn ap leste, un darenn lestar.

5. Mose 11:19

Un penenn len tumare tchawenge. Rakrenn kol labendar, te han khere, un ninna te djan ap o drom, te tchiwenn tumen tele, un ninna te stenn pre.

5. Mose 12:1

Kanna penau tumenge, hoi o Dewel tumendar kamella un leskre tchatchepaskre laba, hoi hunte rikrenn an ko them, hoi dell tumen o baro Dewel, kai ninna o Dewel tumare phurendar his, te lenn les tumenge dren. Denn jak ap kal laba, un rikrenn tumen ap lende jaake rah har djiwenn.

5. Mose 14:23

An ko deshto kotar tiro djobestar, tiri moljatar un tiro djetestar glan tiro baro Debleste ap koi platsa, hoi job peske win rodella, te well lo kote an-mangedo. An leske ninna kol grumja, bakre un busja, kai hi o phureder lengre dajendar. Cha kote ko chapen un ko mass kal viechendar. Jaake bistreh gar, te djiwess tiro baro Debleha tiro tselo djipen.

5. Mose 17:19

Un kau liil well palle hako tsireske pash leste. Un job drawerell hako diwes an leste jaake rah, har djiwell lo. Jaake te haiwell lo, har te djiwell lo peskro baro Debleha, un dell lo jak ap hako lab an kau liil, un rikrell pes ap kal tchatchepaskre laba, un krell pal lende.

5. Mose 4:9

Denn soreles jak ap tumende, te bistrenn gar – jaake rah har djiwenn, – hoi tumare jakentsa dikan! Un penenn tumare tchawenge un lengre tchawenge,

5. Mose 5:2

Maro baro Dewel djas mentsa i sowel dren pash i berga Horeb.

5. Mose 5:29

Har kamoms, te atchans lengre djia hako tsiro jaake, te rikrenn le man glan pengre jaka, un te denn le jak ap mire tsele laba! Palle djals lenge un lengre tchawenge mishto o tselo tsireske.

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.

5. Mose 6:7

un peness len ninna tire tchawenge, te bistrenn le len gar. Rake lendar, te hal khere beshdo, un te djah ap o drom, un te tchiweh tut tele un te steh pale pre.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Debleskro tsiro 19:5

Un i rakepen was kotar, kai o Debleskro beshepaskro hi, un kowa penas: “Sharenn maro Debles, tumer lauter, hoi leske budrenna, un lestar darenna, tikne har bare!”

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.