5. Mose 4:1 - O Debleskro Drom 2021 (Sinte)

¹ Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

O Debleskro Lab 2024 (Sinte-Manouche)

¹ Kanna shoun, Israel, hoy t'maro baro Devel t'mendar kamell. Denn yak ap leskre čačepaskre laba, hoy me t'men sikrau. Rikrenn t'men ap kova, te ačenn djido, oun te venn dren an ko them, te nay lenn les t'menge dren, ko them, ap koleste t'maro baro Devel t'mare phourenge pes sovel das, te dell lo les lende.

5. Mose 4:1 ပူးပေါင်းရင်းမြစ်များ

Debleskri gili 105:45

Kawa kras lo, te rikrenn le leskre laba, un shunenn ap kowa, hoi job lenge penas. Sharedo well o baro Dewel!

Debleskri gili 119:4

Tu, baro Dewel, penal menge, hoi te kras mer, te rikras mer kowa hako tsiro.

2. Mose 18:20

Un sike tu len, hoi o Dewel kamella un lenge penella, te djan le ap leskro drom un krenn, hoi job lendar kamella.

Jeremia 11:6

Un o baro Dewel penas ap mande: Dja an kol forja an o them Juda, un ap kol dromma an o foro Jerusalem, un pen: Shunenn kol laba, hoi me tumentsa wi-krom, un krenn kowa ninna!

Ezekiel 11:20

Palle krenn le, hoi lendar kamau, un djiwenn pal mire tchatchepaskre laba. Un jon hi mire menshe, un me hom lengro Dewel.

Ezekiel 20:11

Un kote penom lenge, hoi lendar kamau, har te djiwenn le pal miro tchatchepen. Miro tchatchepen hi kowa, koleha i mensho djido atchell, te rikrell lo pes ap leste.

Ezekiel 20:21

Un ninna lengre tchawe mukan pen tchi mandar te penell, un kran gar hoi lendar kamom, un djiwan gar pal miro tchatchepen. Mire tchatchepaskre laba hi kolla, kolentsa i mensho djido atchell, te rikrell lo pes ap lende. Un jon kran sawo koowa ap o Debleskro diwes, hoi hunte krans le gar. Un jaake wom gar sharedo. Kote kamom miri choli pral lende win te tchorell. Kote an o mulo tato them kamom miri tseli choli ap lende win te mukell.

Ezekiel 36:27

Me dau miro ducho an tumende, un me krau sawe menshe tumendar, kai krenn, hoi tumendar kamau, un djiwenn pal mire tchatchepaskre laba, un rikrenn len dren.

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

3. Mose 18:5

Doleske krenn, hoi me tumendar kamau, un djiwenn pal miro tchatchepen. I mensho, kai rikrell pes ap kowa, koles hi tchatchepah o djipen. Me hom o baro Dewel.

3. Mose 19:19

Djiwenn pal kol laba, hoi tumende sikrenn, hoi me tumendar kamau! Vieche dran dui wawar mass, mukess tu gar khetne te well, te nai krenn le terne. Ap tiro kotar phub, ma witse dui koowa win, te well kowa bares. I ripen kerdo dran dui wawar thaba, well gar ap tute!

3. Mose 19:37

Krenn halauter, hoi me tumendar kamau, un rikrenn ap miro tchatchepen! Me hom o baro Dewel.

3. Mose 20:8

Krenn, hoi me tumendar kamau! Rikrenn tumen ap kowa! Me, o baro Dewel, rodom tumen win, te wenn mire menshe.

3. Mose 22:31

Rikrenn tumen ap kowa, hoi tumenge penau! Un djiwenn pal kowa! Me hom o baro Dewel.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Johanni 15:14

Te krenn tumer, hoi me tumenge penom, han mire mala.

Remarja 10:5

Kowa, kai rikrell pes ap o Moseskre laba, te well lo tchatcho glan o Debleste, hunte krell kowa, hoi kote tchinlo hi. O Mose tchinas an peskre lila: Ko mensho lell o djipen o Deblestar, kai krell, hoi kote tchinlo hi.

5. Mose 1:3

An o star-deshto (40) bersh ap o ersto diwes an o deesh-te-jekto tchon penas o Mose ap i tsele Israelitarja halauter, hoi o baro Dewel leske penas, te hunte krenn le.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 11:1

O Mose penas dureder ap i Israelitarjen: Tumer hunte kamenn tumaro baro Debles o tselo djijestar! Krenn lauter, hoi lo tumendar kamell. Rikrenn tumen ap leskre tchatchepaskre laba, un djiwenn pal leskre laba jaake rah har djiwenn.

5. Mose 11:32

Jaake denn jak ap halauter, hoi o baro Dewel tumendar kamell, un ap leskre tsele tchatchepaskre laba, hoi me tumenge kau diwes penau. Un djiwenn koi pal!

5. Mose 13:1

Lauter, hoi tumenge penom, hunte krenn un rikrenn. Tchiwenn koleske tchi pashel, un lenn tchi lestar krik!

5. Mose 16:20

Rike tut ap kowa hoi tchatches hi, te djiwess an o them, hoi tiro baro Dewel tut dell.

5. Mose 30:16

Te krenn tumer, hoi me tumenge kau diwes penom, un kamenn tumaro baro Debles un djan ap leskre dromma, un djiwenn pal leskre laba un krenn, hoi job tumendar kamell un rikrenn tumen ap leskre tchatchepaskre laba, palle atchenn tumer djido. Un tumendar wenn bud menshe. Un tumaro baro Dewel tchiwell peskri bacht ap tumende an o them, kai dren djan, te lenn les tumenge dren.

5. Mose 30:19

Kau diwes dau gole ap o bolepen un ap i phub, te dikenn le: O djipen un o merepen tchiwom me glan tumende, o Debleskri bacht un i bibacht. Jaake rodenn tumenge o djipen win, te atchenn djido, tumer un kolla, kai tumendar wenna.

5. Mose 30:20

Kamenn tumaro baro Debles! Shunenn ap leste, un rikrenn tumen ap leste! Kowa hi tumaro djipen. Un jaake nai djiwenn bud bersha an ko them, kolestar o baro Dewel pes sowel das glan tumare phurende, glan o Abraham, o Isaak un o Jakob, te dell lo les lende.

5. Mose 4:40

Denn jak ap kowa, hoi job tumendar kamella, un djiwenn pal leskre laba, hoi tumenge kau diwes penau. Palle djal mishto tumenge un tumare tchawenge pal tumende, un tumer djiwenn i rah tsiro an kau them, hoi tumaro baro Dewel tumenge della, te atchell les tumenge hako tsireske.

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.

5. Mose 4:8

Kek wawar bari natsjona della, kai i menshen sawe latche un tchatche laba hi, hoi lende sikrenn har te djiwenn le, har kal laba, hoi me kau diwes glan tumende tchiwau.

5. Mose 5:1

Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 6:24

Un maro baro Dewel penas, te kras kowa lauter, hoi job mendar kamell, un te rikras les glan mare jaka pash halauter, hoi krah, te djal menge mishto an maro tselo djipen, jaake har kowa kau diwes ninna hi.

5. Mose 7:11

Jaake rikrenn tumen hako tsiro ap leskre laba, krenn, hoi lo tumendar kamell, un djiwenn pal leskre tchatchepaskre laba, hoi kau diwes tumenge penau.

5. Mose 8:1

Rikrenn kol tsele laba, hoi tumenge kau diwes penau. Djiwenn pal lende! Jaake atchenn djido un wenn bud menshe, un nai lenn ko them tumenge dren, kolestar o baro Dewel glan tumare phurende pes sowel das, te dell lo les lende.

5. Mose 8:11

Denn tumen jak, te bistrenn gar tumaro baro Debles, jaake te denn gar buder jak ap leskre laba, un ap leskro tchatchepen, un ap halauter, hoi job tumendar kamella, kowa hoi me tumenge kau diwes penau, te hunte krenn.

5. Mose 9:1

Shunenn, tumer menshe Israel! Tumer djan kau diwes pral o pani Jordan, te lenn themma tumenge dren kol menshendar, kai hi bareder un sorleder har tumer. Lengre forja hi bares, un bare massurja djan trul lende pre an o bolepen.

Josua 3:9

Un o Josua penas ap i Israelitarja: “Awenn kate! Un shunenn, hoi tumaro baro Dewel tumenge penell: