5. Mose 34:1 - O Debleskro Drom 2021 (Sinte)

¹ Un o Mose djas dran o telstuno them, kai i Moabarja djiwenn, un djas pre ap i berga Nebo, bis pral pre ap ko pralstuno kotar, hoi kharell Pisga un hi tchiddo ap i wawar rig o forestar Jericho. Un o baro Dewel mukas les kote o tselo them te dikell: o them Gilead un dureder pre bis pash o them Dan,

O Debleskro Lab 2024 (Sinte-Manouche)

¹ Oun o Mose djas dran o telstouno them, kay i Moabarya djivenn, oun djas pre ap i berga Nebo, bis pral pre ap ko pralstouno kotar, hoy kharell Pisga oun hi čiddo ap i vavar rig o forestar Yericho. Oun o baro Devel moukas les kote o tselo them te dikell: o them Gilead oun doureder pre bis pash o them Dan,

5. Mose 34:1 ပူးပေါင်းရင်းမြစ်များ

1. Mose 13:14

Har o Lot peske djas, penas o baro Dewel ap o Abrameste: “Dik tut trujel un dik kote, kai tardo hal, ap haki rig: serwes, tchatches, glan tute un pal tute!

1. Mose 14:14

Har o Abram shunas, kai leskro phraleskro tchawo pandlo un krik anlo was, kharas job peskre murshen. Les his 318 (triin-sheel-deesh-te-ochta) tchatche mursha, kai pash leste boldo wan. Kolentsa tradas job i star bare rajen un lengre lurden bis pash ko foro Dan.

Ezekiel 40:2

An i visiona anas lo man an o them Israel, un mukas man tele ap i bari berga, hoi dur pre djas. Ap koi rig i bergatar, kai o kham pralstunes tardo hi, dikom tchomone, hoi win dikas har i foro.

4. Mose 21:20

Un jon mukan Bamot-Baal pal pende un wan an ko telstuno them, hoi an o them Moab tchiddo hi, pash koi berga Pisga, hoi tele dikella ap ko pani Jordan.

4. Mose 23:14

Un job anas les pash i phub, hoi kharella ‘dur dikepen’, ap koi berga Pisga, un kras efta chatchepangre, un chatchras ap haki chatchepaskri o Debleske i terno gurum un i bakro.

4. Mose 27:12

Un o baro Dewel penas ap o Moseste: “Dja pre ap koi berga Abarim un dik ap ko them, hoi dau me i Israelende.

4. Mose 33:47

Fun kotar wan le an kol berge Abarim, wergel o foro Nebo ap koi rig, kai o kham pre djal.

5. Mose 3:27

Dja pral pre ap i berga Pisga, un dik tut trujel, dik serwes un tchatches un glan un pal tute! Dik lauter mishto an! Tu djiness, te djas tu gar pral o Jordan wergel.

5. Mose 32:49

“Dja pre ap kal berge Abarim an o them Moab ap i berga Nebo, hoi wergel o foro Jericho tchiddo hi! Un dik o them Kanaan. Kau them dau me i Israelitarjen, te well ko them lenge.

5. Mose 32:52

Tu dikeh o them glan tute, hoi me dau i Israelitarjen, dren djah tu gar.”

5. Mose 34:4

Un o baro Dewel penas ap leste: “Kawa hi o them, kolestar penom un me man sowel dom glan o Abraham, o Isaak un o Jakob, te dap kau them lengre tchawende, kai pal lende wenna. Me mukom les tut tire jakentsa te dikell. Pral wergel djas tu gar.”

Josua 19:47

I menshe dran o kheer Dan nai rikran pengro them gar. Doleske djan le pre un kuran pen o foreha Leshem, un lan les dren un maran i menshen kote. Palle djiwan le kote, un dan o fores Leshem o lab Dan pal pengro phuro dadeste.

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.

Debleskro tsiro 21:10

Un o Debleskro Ducho was ap mande. Un o bolepaskro anas man ap i bari, bari berga, un sikras mande o Debleskro foro Jerusalem, har ko foro tele was o Deblestar dran o bolepen.

Čačepangre 18:29

Un jon dan ko fores o lab Dan, jaake har lengro phuro dad kharas, koleskro dad o Israel his. Glan kowa kharas ko foro Lajish.