5. Mose 33:7 - O Debleskro Drom 2021 (Sinte)

⁷ Pral o kheer Juda penas lo: Baro Dewel, shun, hoi o Juda tutar mangella! An les pale pash peskre phralende! Kre leskre wasta soreles! Ab ap leskri rig, te kurell lo pes kolentsa, kai tchingrenn leha!

O Debleskro Lab 2024 (Sinte-Manouche)

⁷ Pral o kheer Youda penas lo: Baro Devel, shoun, hoy o Youda toutar mangella! An les pale pash peskre phralende! Kre leskre vasta zoreles! Ab ap leskri rig, te kourell lo pes kolentsa, kay čingrenn leha!

5. Mose 33:7 ပူးပေါင်းရင်းမြစ်များ

2. Samuel 3:1

Ko kurepen mashkral o Davideskri familja un o Sauleskri familja his rah. O David was sorleder un sorleder. Un o Sauleskri familja nashras peskri soor.

2. Samuel 5:1

Un pash o Davideste an o foro Hebron wan mursha dran i tsele deesh-te-dui bare familje dran Israel, un penan leske: “Shun, mer ham tire menshendar, tiro mass un rat.

2. Samuel 5:19

O David putchas o baro Deblestar: “Djap me pral pash kol Filistarja? Kameh len an mire wasta te dell?” Un o baro Dewel penas ap o Davideste: “Dja pral! Me dau kol Filistarjen an tire wasta.”

2. Samuel 5:24

Tu te shuneh i gole, har te djal jek pral an i ruka, am sik! Palle djal o baro Dewel glan tute, te dell job i Filistarengre lurden.”

1. Familjakro liil 12:22

Un jon wan o Davideske ap i rig, un kuran pen kol murshentsa, kai dan pen kote trujel un tchoran i menshen win. Kol mursha dran o kheer Manasse his halauter latche kurepangre un wan pralstune pral i lurdende.

Debleskri gili 146:5

Bachtelo hi kowa, koleske o Jakobeskro Dewel ap i rig well, awa, kowa hi bachtelo, kai kokres ap peskro baro Debleste dikell.

Debleskri gili 20:2

Mangau o baro Debles, o Jakobeskro Debles, te shunell lo tut ap o diwes, kai i bibacht pral tute well. Mu rikrell job peskro wast pral tute!

Debleskri gili 21:1

I gili o rajeske pral i gipangre. O David kras kai gili.

Debleskri gili 21:8

O baro rai patsell ap o baro Debleste, ko Debleste pral halauter. Un dran o Debleskro latchepen nai atchell o baro rai soreles tardo.

Debleskri gili 78:68

Na-a, i menshen dran o kheer Juda rodas lo peske win, un koi berga Zion, hoi job o djijestar kamella.

Debleskri gili 78:70

Un job rodas peske o Davides win, te was lo leskro budepaskro, un las les kotar krik, kai das lo jak ap i bakrende.

Debleskri gili 89:24

Me kamau kolen khetne te stakrell, kai ap leste djan, un kolen, kai leske tchilatchepen kamenn, dau me an i phub.

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

4. Mose 34:19

Un kalla hi kol laba kol murshendar: dran o kheer Juda: Kaleb, koleskro dad hi o Jefunne; dran o kheer Simeon: Shemuel, koleskro dad hi o Ammihud; dran o kheer Benjamin: Elidad, koleskro dad hi o Kislon; dran o kheer Dan: Bukki, koleskro dad hi o Jogli; dran o kheer Manasse: Hannijel, koleskro dad hi o Efod; dran o kheer Efrajim: Kemuel, koleskro dad hi o Shiftan; dran o kheer Sebulon: Elizafan, koleskro dad hi o Parnach; dran o kheer Issachar: Paltijel, koleskro dad hi o Asan; dran o kheer Asser: Ahihud, koleskro dad hi o Shelomi; dran o kheer Naftali: Pedahel, koleskro dad hi o Ammihud.

Louka 19:27

Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”

1. Korintarja 15:25

O Jesus Kristo hunte well o rai jaake rah, bis te tchiwell o Dewel lauteren, kai les gar kamenna, tel leskre pire.

Josua 15:20

Un kalla hi i forja an o them, hoi o baro Dewel i menshende dran o kheer Juda das, te djiwenn le kote pengre familjentsa.