5. Mose 33:2 - O Debleskro Drom 2021 (Sinte)

² O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

O Debleskro Lab 2024 (Sinte-Manouche)

² O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.

5. Mose 33:2 ပူးပေါင်းရင်းမြစ်များ

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

Debleskri gili 50:2

Ap i berga Zion, an o shukeder foro, sikras pes o Dewel an peskro railepen.

Debleskri gili 68:17

Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

Debleskri gili 68:18

Bud serja wurdja hi o Debles. Lentsa was lo ap i berga Sinai, un djal dren an peskro kheer.

2. Mose 23:20

Me bitchrau i bolepaskro glan tumende, koon dell jak ap tumende ap o drom, hoi tumer djan. Un kowa anell tumen an ko them, hoi me tumenge wi-rodom.

Daniel 4:13

Leskro mensheskro dji well lestar krik lino, un i viecheskro dji well leske dino! Un efta bersha djan jaake pral leste krik!

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

Bičepangre 7:53

I bolepangre anan tumenge kol laba, kai penenna, hoi o Dewel tumendar kamella. Un tumer rikran tumen gar ap lende.”

2. Korintarja 3:7

Kol phure tchinle laba, hoi anenn i menshen an o merepen, his tchinlo ap i barra. Har anas o Mose i menshenge kol barra, was leskro mui jaake railes, te dikan nai i Israelitarja gar ap leste. Jaake dikah, ninna ap o phuro drom was o Debleskro railepen diklo, ninna te djas ko railepen pal i tikno tsiro krik.

2. Korintarja 3:9

Kau newo drom, kai wenn i menshe tchatcho glan o Debleste, hi bud bud shukeder har ko phuro drom, kai djan i menshe nashedo, ninna te was kote i tikno kotar railepen diklo.

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

Galatarja 3:19

Hoske hi o Moseskre laba koi? O Dewel das len mende, te dikas mer, har baro maro tchilatchepen hi. O Moseskre laba atchan tardo jaake rah, bis te was o Abrahameskro tchawo, ko jek, konestar o Dewel penas, te well job. I bolepangre anan kol laba o Moseske. Kowa his tardo mank i menshende un o Debleste. Un o Mose das kol laba i menshende.

Galatarja 4:24

Kal dui djuwja hi har dui koowa, hoi o Dewel i menshentsa an Israel win kras. Jek koowa kras o Dewel lentsa win ap i berga Sinai. Kote lan i menshe o Moseskre laba. Kol laba hi o rai pral lende, jaake har his i rai pral i Hagar tardo.

5. Mose 5:22

Kal laba rakras o baro Dewel ap tumende halauter, har wan khetne pash i berga. Dran i jag win, dran koi kali pessi wolka win rakras lo bari goljah. Kek wawar lab tchiwas lo pashel. Un job tchinas len ap dui barra un das len mande.

2. Tessalonikarja 1:7

Tumer, kai wenn kanna palla lino, tumen dell lo i bari bacht. Kowa dell lo tumen mentsa khetne ap ko diwes, kai well maro rai Jesus pale dran o bolepen, un lauter dikenn les. Leskre sorele bolepangre wenn leha,

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.

Debleskro tsiro 5:11

Un me dikom un shunom bud bolepangren tardo trul o rajeskro beshepaskro, un trul kol star sorele bolepangre, un trul kol tchatchepangre phurende. Jon his jaake bud har deesh serja (10.000) kope deesh serja un jek sero kope jek sero.