5. Mose 32:51 - O Debleskro Drom 2021 (Sinte)

⁵¹ Tumer dui nai djan gar an o them dren doleske, kai shunan gar ap mande, har hans pash ko pani, hoi kharell Meriba-Kadesh an o mulo them Zin. Un i Israelitarja dikan, har hadan tumer man gar, un mukan man gar te sikrell, te hom me o tchatcho Dewel.

O Debleskro Lab 2024 (Sinte-Manouche)

⁵¹ T'mer douy nay djan gar an o them dren doleske, kay shounan gar ap mande, har hans pash ko pani, hoy kharell Meriba-Kadesh an o moulo them Tsin. Oun i Israelitarya dikan, har hadan t'mer man gar, oun moukan man gar te sikrell, te hom me o čačo Devel.

5. Mose 32:51 ပူးပေါင်းရင်းမြစ်များ

Jesaja 8:13

O baro Debles, ko rajes pral o bolepen un i phub mukenn kokres tumaro Dewel te well! Un kolestar darenn un trashenn!

Ezekiel 47:19

Un ap koi rig, kai o kham pralstunes tardo hi, djal o them Israel fun o foro Tamar bis pash o pani, hoi kharell Meriba-Kadesh, un dureder langs ko tikno pani, hoi nashell mank Israel un Egiptia, bis pash o Mashkralstuno Baro Pani. Jaake dur djal o them Israel ap koi rig, kai o kham pralstunes tardo hi.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

4. Mose 20:24

“O Aroneskro tsiro nashas tele, un job well gar an ko them, kai dom i Israelitarjen. Tumer shunan gar ap kowa, hoi penom pash o pani ‘Meriba’.

4. Mose 27:14

Kowa well doleske, kai shunan gar ap miro lab an o mulo tato them Zin, har i Israelitarja chojedo his un pal pani gole dan, un tumer mukan man gar te sikrap, te hom tchatchepah o baro un sorelo Dewel, kai nai dell len pani.” Kowa his pash o foro Kadesh an o mulo tato them Zin. Ko pani was kharedo ‘tchingepaskro pani’.

Josua 15:1

Un i barra peran o khereske Juda jaake, te lan le ko kotar them, hoi djas bis pash o them Edom, bis an o mulo them Zin, kote kai o kham pralstunes tardo hi.

1. Petro 4:17

Kanna was ko tsiro, kai wenna i tchilatche diwessa pral o Debleskre tchawende. Pal kowa wella bari bibacht pral kolende, kai patsan gar ap o Debleskro latcho lab!