Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




5. Mose 32:43 - O Debleskro Drom 2021 (Sinte)

43 Tumer menshe dran i wawar themma, sharenn o baro Debleskre menshen! Kolla, kai maran leskre budepangre, kolenge dell job halauter pale ap lengre sherja. Un job dell kolen halauter pale, kai kuran pen leha. Un lell krik o praassepen, hoi ap o them peskre menshendar hi.

အခန်းကိုကြည့်ပါ။ ကော်ပီ

O Debleskro Lab 2024 (Sinte-Manouche)

43 T'mer menshe dran i vavar themma, sharenn o baro Debleskre menshen! Kolla, kay maran leskre boudepangre, kolenge dell yob halauter pale ap lengre sherya. Oun yob dell kolen halauter pale, kay kouran pen leha. Oun lell krik o praasepen, hoy ap o them peskre menshendar hi.

အခန်းကိုကြည့်ပါ။ ကော်ပီ




5. Mose 32:43
40 ပူးပေါင်းရင်းမြစ်များ  

Kolla kai penenna, te well tut bud bacht, ap kolende tchiwau miri bacht. Un kolla, kai penenna, te well tut bibacht, ap kolende anau ninna bibacht. Koi bacht, hoi me tut dau, djal dureder ap i tsele menshende, kai ap i phub hi.”


palle shun tu, kai djiweh an bolepen, un kre halauter, hoi ko wi-themari tutar mangell, te nai haiwenn i menshe an i tsele themma ap kai phub, koon tu hal, un mangenn tut an, jaake har tire menshe Israel. Palle djinenn le, kai tu djiweh an kau kheer, hoi tuke krom.


Un tu maress kol menshen, kai wenna tiro rajestar Ahab. Jaake dau len i phagi ko rateske, hoi ratas, har maras i Isebel mire budepangren, mire rakepangren un kol tsele wawaren, kai mange koi his.


Hoske khatreh tu tiro mui glan mande? Hoske rikreh man jekeske, kai kamell tuke tchilatchepen te krell?


Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!


Lenge djal har i subjengre burra: I baro ducho tserdell len dran i phub win. Jaake phurdell o Dewel len krik an peskri bari choli.


Tu shuneh, hoi tutar mangah. Doleske wenn i tsele menshe pash tute.


Hoske nai penenn i wawar menshe: ‘Kai hi tumaro Dewel?’ Muk men te dikell, har tu len khetne stakreh koleske, kai maran le tire budepangre!


Ab ap mari rig, maro Dewel! un le men win! Le men win dran lengre wasta, te well tiro lab hadedo! Un le mari doosh mendar krik, te well tiro lab pale baro!


I gili jekestar dran i familja Korach. Kai gili hi o rajeske pral i gipangre.


Tu lal o tchilatchepen, hoi tire menshe kran, lendar krik! Lengri tseli doosh bistral tu.


Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.


Jerusalem, miro wast hadau ap tute, te dap tut, te chatchap i tchik tutar win, har kowa o rupeha kerdo well, jaake te atchell o latcho rup pale.


Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.


Ap ko diwes dell i drom, hoi djal dran o them Egiptia pash o them Assur. Un i menshe dran Assur wenn an Egiptia, un i Egiptarja wenn an Assur. Un khetne mangenn le o Debles an.


O baro Dewel, ko rai pral o bolepen un i phub, tchiwell peskri bacht ap lende un penell: Bachtelo hal tu Egiptia. Tumer han mire menshe. Bachtelo hal tu Assur. Tumen krom me mire wastentsa. Bachtelo hal tu Israel. Tumen rodom me mange win, te wenn mire menshe.


Ko tchilatcho koowa, hoi tu kral, lom tutar krik, te hi lo gar buder. Jaake har i nebla, har i wolka krik phurdedo well, jaake phurdom koi doosh krik, hoi ap tute his. Ab pale pash mande, me plaissrom tuke, te wess miro.


Bud khamele tchakrenn tiro them, terne khamele dran Midian un Efa. Kolla anenna sonakai un sungepaskro koowa dran Saba. Un i menshe sharenn o baro Debles.


Awenn bachteles o foreha Jerusalem, un giwenn un khelenn leske, tumer lauter, kai les o djijestar kamenn. Awenn bachteles leha, tumer lauter, kai pral leste rowan.


Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.


Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.


O baro Dewel was har jek, kai hi tchilatcho ap mende. Job das o them Israel khetne. Job phagas i tsele shukar khera tele un kras i sorele forja paash. Bud ropen un dukepen anas lo pral o them Juda.


Me lau tiri tseli doosh tutar krik, hoi ap tute anal. Te well tuke palle tiro phuro djipen an o shero, ladjeh tu, un nai kreh tiro mui buder gar pre i ladjatar. Kawa penau me, o baro Dewel, tiro rai.


Mire menshe Israel hi kolla, kai denn i Edomarjen pengri phagi. I Israelitarjen mukau lentsa jaake trujel te djal, te well miri bari soreli choli ap lende. Un i Edomarja dikenn un haiwenn, kai me kowa hom, kai anell lengro tchilatchepen pale ap lengre sherja. Kowa penell o baro Dewel, maro rai.


Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”


Job hi har i momeli, te sikrell lo kolen tiro drom, kai prindjrenn tut gar. Koleske sharenn jon i menshen an Israel.”


Mire kamle phrala un phenja, ninna te kras jek tumenge tchilatcho koowa, ma denn leske pale! Mukenn les! O Dewel dell les i phagi. An o Debleskro lab hi tchinlo: O Dewel penas: Me dau len pale. Me dau len i phagi.


Job penell: Me hom kowa, kai dau len halauter ap lengro shero pale an ko tsiro, kai trissenn lengre herja. Gar dur hi o diwes, kai well lengri bibacht pral lende. Un kowa, hoi ap lende well, kowa well sikepah.


Un me dikom tchomone har i baro pani. Kowa his djudjo har i wali. Un jag his koi dren. Un pash o baro pani dikom me kolen, kai sorleder his har ko viecho un har ko viecho, hoi i menshendar kerdo was. Jon mukan witar gar, te was o viecheskro lab ap lende tchinlo. Un len his bashepangre, hoi kharenna harfe. Kolen das lende o Dewel an lengre wasta.


Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.


Un job das soreles un bares gole: “O foro peras khetne! O baro foro Babilon peras khetne! Kanna djiwenn kote i benga. Kote khatrenn pen kol tchirkle un wawar vieche, kai pale-tchiddo hi, un i menshe darenn lendar.


Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.


Latcho un tchatcho hi lo. I phagi, hoi job i menshen das, hi mishto un tchatcho. Job das i bari lubjat lakri phagi. Joi tserdas i menshen ap i tseli phub an wi-ladjedo koowa un maras o Debleskre budepangren. O Dewel das lat ko tchilatchepen pale, hoi joi ap lende kras.”


Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ