5. Mose 32:25 - O Debleskro Drom 2021 (Sinte)

²⁵ Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.

O Debleskro Lab 2024 (Sinte-Manouche)

²⁵ Ap i dromma marell len o rharo, oun an i khera i traash. Hakenes taprell o merepen: o terno morshes oun i terni čat, o ternepen oun kolen parne ballentsa.

5. Mose 32:25 ပူးပေါင်းရင်းမြစ်များ

2. Rajengro liil 7:5

Un har i rat was, djan le, te wenn le pash kol lurdende dran Syria. Un har jon kote wan, his kek buder koi.

2. Familjakro liil 36:17

Un o baro Dewel mukas o baro rajes Nebukadnezar dran o them Babilonia pral lende te well. Leskre lurde maran i terne murshen o chareha, ninna an o Debleskro kheer. O baro rajes dran Babilonia khaitas kek, gar i terne mursha, witar gar i terne tcha, gar i phure, ninna te his le nasselo. Halauteren das o baro Dewel an leskro wast.

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jeremia 44:7

Doleske penell o baro Dewel, ko rai pral o bolepen un i phub, kai o Israeleskro Dewel hi: Hoske krenn tumer sawo tchilatchepen ap tumende kokres? Kamenn tumer, te merenn tumare menshe win: mursha un djuwja, tchawe un ternepen? Un tchi atchell pral tumendar, kai wan dran o them Juda?

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.

Ropaskre gilja 1:20

Ach, baro Dewel, dik, har bud traash man hi, har i duk an mande chatchella! Miro dji rissrell pes an mande! Hoske shunom gar ap tute? Glan o kheer tapras o charo mire tchawen, un an o kheer meran le dran i djungelo nasslepen.

Ropaskre gilja 4:4

I tikne tchawen hi jaake trush, te well lengri tchip truk an o mui. I tchawe mangenna i kotar maro, un kek hi koi, te dell lo lenge i kotar.

Ezekiel 7:15

Glan o foro hi kol lurde, kai kamenn i Israelitarjen te marell. An o foro hi i pharo nasslepen un bok. Koon win glan o foro hi, kowa well o chareha maredo. Un koon an o foro dren hi, merell ap o pharo nasslepen un i bokatar.

Hosea 11:6

An lengre forja djal o charo trujel, un dell i chochene rakepangren mulo, te nai krenn le buder gar, hoi le penge glan lan.

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Hosea 9:16

O Efrajim hi har i mulo ruk. Leskre draba, len hi kek pani. Un rukengre wenn gar bares ap leste. Te lenn i djuwja ninna tchawe, me marau len, kolen jon pengro djijestar kamenna.

3. Mose 26:25

Me mukau kurepen an tumaro them win te phagell, un dau tumen pale, te rikran gar dren, hoi mantsa win kran. Un te khatrenn tumer tumen palle an tumare forja, palle bitchrau i pharo nasslepen mashkral tumende, un dau tumen an i wasta kolendar, kai kurenn pen tumentsa.

Micha 6:14

Te chan tumer tchomone, wenn gar tchalo. Un kowa, hoi tumer tumenge ap i rig tchiwenn, nai rikrenn gar. Kowa, hoi tumenge atchas, krau paash an o kurepen.

2. Korintarja 7:5

Har wam an o them Macedonia, was haki rigjatar pharo koowa ap mende. His menshe koi, kai tchingran pen mentsa. Un men his i bari daar. Jaake lam kek newi soor.