5. Mose 32:24 - O Debleskro Drom 2021 (Sinte)

²⁴ I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

O Debleskro Lab 2024 (Sinte-Manouche)

²⁴ I bokatar merenn le, oun o fibro rhal len pre. Pharo nasslepen marell len. Me bičrau divye firhe oun čilače sapa mank lende, kay dandrenn len moulo.

5. Mose 32:24 ပူးပေါင်းရင်းမြစ်များ

1. Mose 3:14

Koi penas o baro Dewel, maro rai, ap o sap: “Praassedo wess koleske, hoi tu kral. Tuke djan le dran o drom, – tuke kokres un gar i tsele wawar viechenge. Tu djas ap tiro per un chas tchik tiro tselo djipen.

1. Mose 49:15

Job dikas, har shukar leskri platsa hi un har kamlo o them hi, un tchiwas peskro phiko tele, te hidjrell lo pharo koowa un budrell i wawarenge.

Hiob 20:16

Ko tchilatcho koowa, hoi lo kras, hi an leste har sapeskro tchunger, un marell les har i tchilatcho sap, kai dandras les.

Debleskri gili 120:4

Jagengre faile dell i kurepaskro karje ap tumende!

Debleskri gili 91:6

witar gar glan ko nasslepen, hoi tchorchanes an i rat well, witar gar glan ko tchilatchepen, hoi ap o diwes marell.

Jesaja 65:25

O diwjo djuklo un o terno bakro chan khetne jek pash o wawar. Un o lewo chal phuss har i grumni, un o sap hunte chal tchik. Kek krell tchomone, hoi duka anell, witar tchi, hoi tchilatcho hi ap miri tseli berga, kai djiwau, penell o baro Dewel.

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Jeremia 15:3

Me, o baro Dewel, lom man glan, te anap star kope pharo koowa pral lende: o chareha te wenn le mulo dino, i djukle tserdenn len krik, i tchirkle chan len, un kowa hoi lendar pral atchell, chan i diwje vieche pre.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 8:17

Me, o baro Dewel penau: Me bitchrau tchilatche sapa pash tumende, sawe, kai anenn o merepen. Kolen nai rikrell kek pre. Kolla dandrenn tumen.

Ropaskre gilja 5:10

Har te hams an i bob, chatchell mari hauta koi bari bokatar.

Ezekiel 14:15

Te anoms diwje viechen an o them, kai marenn kolen, kai kote djiwenn, un o tselo them wals i mulo them, kai kek buder ap o drom hi i darjatar kol diwje viechendar,

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Ezekiel 5:17

Awa, i bok un diwje viechen bitchrau mank tumende. Kolla marenn tumare tchawen. Ninna pharo nasslepen, marepen un kurepen anau pral tumende. Me, o baro Dewel, rakrom.

3. Mose 26:22

Diwje vieche bitchrau mank tumende, te chan le tumare tchawen un viechen, un marenn jaake bud tumendar, te wenn tumare dromma muklo.

Amos 9:3

Ninna te khatrenn le pen pral ap i berga Karmel, rodau me len un lau len tele. Ninna te khatrenn le pen mandar tele an o baro pani, jaake penau o panjeskro sap, te dandrell lo len.

Micha 7:17

Jon hunte tchiwenn pen ap i phub pengre mujentsa an i tchik har i sapa un i kirme. Un trisslepah wenn le win dran pengre sorele khera, un wenn glan tute, maro baro Debleste, bari darjah.

Habakuk 3:5

I djungelo nasslepen djal glan leste. Un pal leste well wawar i nasslepen, hoi chal i menshen pre.

5. Mose 28:22

Job bitchrell tumen sawo nasslepen, hoi chal tumen pre, tumaro mass well lolo un tato, un i fibro chatchell an tumende. Un job rikrell o brishin pale an tumaro them. Un i tato ducho krell, te well o djob nasselo un merell tele. Un kowa halauter well pral tumende bis te mulo han.

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

5. Mose 28:53

An ko tsiro, kai han jaake dren pandlo an tumare forja, well tumen sawi bok, te chan tumer tumare tchawen, ko mass tumare mursh tchawendar un tchendar, kolen tumaro baro Dewel tumen das.