5. Mose 32:22 - O Debleskro Drom 2021 (Sinte)

²² Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

O Debleskro Lab 2024 (Sinte-Manouche)

²² Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

5. Mose 32:22 ပူးပေါင်းရင်းမြစ်များ

Debleskri gili 144:5

Baro Dewel, tchip o bolepen ap i rig un ab tele! Tape i berge an, te well jagakro ducho win!

Debleskri gili 21:9

Tiro wast hatsell hakenes, kai kamell tuke tchilatchepen te krell. Tiro tchatcho wast hatsell kolen, kai pen ap tute choirenna.

Debleskri gili 46:2

O Dewel hi menge har i sorelo kheer, kai nai khatrah men. Job hi ap mari rig an phare tsirja.

Debleskri gili 83:14

Miro Dewel, phurde len krik har patria, har phuss an i baro ducho!

Debleskri gili 86:13

Tiro latchepen mange hi baro. Tu lal miro djipen win dran o merepen.

Debleskri gili 97:3

Glan leste djal i jag, un chatchrell halauteren, kai ap leste djan.

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Jesaja 30:33

I rah tsiro hi i chatchepaskri platsa kerdo, dur tele djal li un buchles hi li. Ninna o baro rajeske hi li kerdo. Jag hi koi un bud kashta chatchepaske. Un o ducho o baro Deblestar phurdell soreles koi pre, un krell i jag, hoi lauter pre chatchrella.

Jesaja 54:10

I berge nai djan ap i rig, un i tikne berge nai perenn khetne, miro latchepen, kowa djal gar tutar, un kowa, hoi win kram, te ham mer mala, atchell tardo. Kowa penau me, o baro Dewel, kai peskro dji tuke pre kras.

Jeremia 15:14

Un me kamau, te wess tu i budepaskro kolenge, kai rikrenn tut tele an lengro them – i them, hoi tu gar prindjreh. Miri choli chatchell har i jag, un well pral tute.

Jeremia 17:4

Un tumer hunte djan dran kau them, hoi dom tumen hako tsireske. Un me krau, te wenn tumer budepangre kolenge, kai rikrenn tumen tele an i them, kai prindjrenn gar. Miri choli hi har i jag, hoi gar buder win djala.

Jeremia 4:4

Rikrenn tumen ap i laba, hoi tumentsa win krom! Un krenn tumare djia mange pre, tumer menshe an Juda un Jerusalem. Te krenn kowa gar, well miri choli pral tumende har jag, un chatchella jaake, te nai krell kek koi jag win.

Ropaskre gilja 2:2

I gaba un i khera kras lo paash, an kolende o Jakobeskre tchawe djiwan. Un jon khaitan les gar. I sorele forja an o them Juda phagas lo tele an peskri choli. Pral lengro them anas lo ladj, un lengre raja witsras lo an i tchik.

Ropaskre gilja 2:3

An peskri soreli choli phagas lo halauter tele, hoi o themes Israel sorelo kras. Har i lurde dran wawar themma wan, tserdas lo peskro tchatcho wast mendar pale. Un o Jakobeskro them kras lo paash, jaake har i bari jag halauter pre chatchrella.

Ropaskre gilja 2:4

Job rikras peskro bogo, un las i failo an peskro tchatcho wast, har jek, kai kurell pes mentsa. Un har i kurepaskro maras lo halauteren, kai menge kamlo un kutch his. Un leskri choli was pral mende har i soreli jag.

Ropaskre gilja 4:11

O baro Dewel mukas peskri tseli choli win te well. Leskri tseli choli was pral lende. Un an o foro Zion mukas lo i bari jag te well, te chatchras o foro tele bis ap i telstune barra.

Ezekiel 19:12

Koi was i chojedo wast, un tserdas les win dran i phub, un witsras les tele. Un i tato ducho, hoi was fun kotar, kai o kham pre djal, mukas leskre drake truk te well. Leskre sorele kashta wan tele phagedo, te meran le tele un wan an i jag chatchedo.

Ezekiel 22:21

Awa, me anau tumen khetne, un mukau miri choli ap tumende soreles te well. Un an miri tati choli djal tumenge jaake, har te wans rup an i bob.

Ezekiel 36:5

Doleske penell o baro Dewel, maro rai: Tchatchepah, an miri tati choli rakrom me i phagi win pral i menshende an o them Edom un an i themma trul tumende, kolla miro them penge lan, te randenn le les win. Koi pashel san le pen mulo pral tumende, te djas tumenge jaake, un praassan tumen.

Ezekiel 38:19

Un an miri bari un tati choli dau man sowel: Tchatchepah, an ko tsiro trissell i phub an o them Israel soreles.

3. Mose 26:20

Tumari phari budi hi tchitcheske. Ap tumari hachetikri phub well tchi bares. Un i ruka an o them hidjrenn kek rukengre.

Amos 5:6

Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.

Amos 7:4

Palle mukas man o baro Dewel, maro rai, i wawar dikepen te dikell: Job das i baro tatepen gole, te dell lo i menshen i phagi. Un o tatepen chas o baro pani pre, hoi tel i phub hi, un kamas o them pre te chatchrell.

Micha 1:4

Tel leskre pire wenn i berge tikno har i momeli, hoi tele chatchell, un perenn tele an i tala, jaake har o pani i berga tele nashell.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Zefanja 3:8

Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.

4. Mose 16:33

Un jon djan djides tele an o mulengro them lauterentsa, hoi len hi. Un i phub tchakras len. Un jon meran mashkral win dran kol tsele menshende.

4. Mose 16:35

Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 18:9

Un te kamell tiro jak tchomone te dikell, hoi anell tut ap o tchilatcho drom, palle tchin les win, un witse les tutar! Hi tuke feteder, te nashress jek jak, un leh o djipen, hoi o Dewel tut della, har te djas dui jakentsa an o bengeskri jag.

Mateo 23:33

Tumer han sapa. Awa, tchilatche sapa han tumer. O Dewel witsrell tumen an o bengeskri jag. Un tumer nashte nashenn gar glan koleste krik.

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

2. Tessalonikarja 1:8

un i jag hi trul lende. Palle well o Debleskri choli pral kolende, kai kaman lestar tchi te djinell, kolla kai shunan gar ap o latcho lab maro rajestar, o Jesusestar, un kaman gar ap leskro drom te djal.

Hebrearja 12:29

Ma bistrenn, maro Dewel hi jaake har i soreli jag!