5. Mose 32:20 - O Debleskro Drom 2021 (Sinte)

²⁰ Un job penas peske: Me rikrau man pale lendar, kamau te dikell, har lentsa dureder djal, kolentsa, kai pal pengro shero djan, un tchi buder mandar kamenn te djinell.

O Debleskro Lab 2024 (Sinte-Manouche)

²⁰ Oun yob penas peske: Me rikrau man pale lendar, kamau te dikell, har lentsa doureder djal, kolentsa, kay pal pengro shero djan, oun či bouder mandar kamenn te djinell.

5. Mose 32:20 ပူးပေါင်းရင်းမြစ်များ

2. Rajengro liil 17:18

Kote was o baro Dewel chojedo pral i Israelitarja, un tchiwas len krik glan leskre jaka, jaake kai atchan kokres menshe dran o kheer Juda pral.

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

2. Rajengro liil 17:23

Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Familjakro liil 20:20

Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.

Hiob 13:24

Hoske khatreh tu tiro mui glan mande? Hoske rikreh man jekeske, kai kamell tuke tchilatchepen te krell?

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Jesaja 30:9

Kal menshe peran mandar tele. Har tchawe hi le, kai rakrenn chochepen, un kamenn gar mire laba te shunell.

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jeremia 18:17

Me mukau wawar menshen pral mire menshende te well, kai tradenn len krik har i sorelo ducho, kai well kotar, kai o kham pre djala. Me kamau lenge o dumo te sikrell, un wau gar ap lengri rig ap ko diwes, kai well i bibacht pral lende.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

Mateo 17:17

Koi penas o Jesus: “Tumer tchilatche menshe, tumen hi kek patsepen! Har rah hunte atchap pash tumende? Har rah marap man tumentsa tele? Anenn les pash mande!”

Markus 9:19

Koi penas o Jesus ap lende: “Hawe menshe han tumer, kai hi tumen kek patsepen! Har rah hunte atchap pash tumende? Har rah rikrap me pash tumende win? Anenn les kate pash mande!”

Louka 18:8

Na-a, penau me tumenge: Jon lenn sik pengro tchatchepen. Hoi penenn tumer mange, te putchau tumendar: Te well o Mensheskro Tchawo pale, hatsell job menshen ap i phub, kai patsenn ap leste?”

5. Mose 31:29

Me djinau, pal miro merepen dukrenn tumer o baro Debles, un djan ko dromestar tele, hoi tumende sikrom. Tumer krenn, hoi tchilatcho hi glan o baro Debleskre jaka, un mangenn wawar deblen an, un choirenn les koleha. Doleske well bari bibacht pral tumende.”

5. Mose 32:5

Tumer mukan leskro drom, un han buder gar moldo te kharenn ‘leskre tchawe’. Pherdo tchilatchepen un chochepen han tumer.

5. Mose 9:23

Un har bitchras o baro Dewel tumen dran o foro Kadesh-Barnea win un penas: “Djan pre un lenn o them tumenge dren, hoi me tumen dom”, koi shunan gar ap leste, un patsan les gar un kran gar, hoi lo tumenge penas.

2. Tessalonikarja 3:2

Mangenn lestar ninna, te dell lo garda ap mende, te nai krenn men kol midjak un tchilatche menshe kek tchilatchepen. Gar hakeno patsell ap o Jesus Kristeste.

Hebrearja 11:6

Te hi jekes kek patsepen, nai krell lo gar, hoi hi latcho glan o Debleskre jaka. Koon kamell pash o Debleste te well, kowa hunte patsell, te hi o Dewel djido, un te hi lo latcho ap koleste, koon rodell les.

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.