5. Mose 32:16 - O Debleskro Drom 2021 (Sinte)

¹⁶ O Debleskre menshe nashan wawar deblen palla, un dukan pengro Debles. Ko djungelo koowa, hoi le kran, kras les chojedo.

O Debleskro Lab 2024 (Sinte-Manouche)

¹⁶ O Debleskre menshe nashan vavar deblen palla, oun doukan pengro Debles. Ko djoungelo koova, hoy le kran, kras les rhoyedo.

5. Mose 32:16 ပူးပေါင်းရင်းမြစ်များ

1. Rajengro liil 14:22

Un i menshe an o them Juda kran, hoi djungeles his glan o baro Debleskre jaka. Un jon kran budeder tchilatcho koowa har lengre phure kran, un koleha choiran le les budeder har jon.

1. Rajengro liil 14:9

Djungleder koowa kral tu har halauter, kai glan tute his: tu kral tuke wawar debla, figure dran lolo saster. Kowa kral, te choiress man, un sikral man o dumo.

2. Rajengro liil 17:11

Un ap kol mulne platse chatchran le viechen kol chochene deblenge jaake har kol menshe kran, kolen o baro Dewel glan lende win tradas. Un jon kran tchilatcho koowa un choiran o baro Debles.

2. Rajengro liil 17:17

Un jon mukan pengre tchawe un tcha an i jag te chatchrell, un kran durkepen un drawepen. Un jaake dan le pen an sawo koowa, hoi glan o baro Debleskre jaka djungeles hi un choiran les.

2. Rajengro liil 21:6

Un job mukas peskro tchawes an i jag te djal un shunas ap tchirklengre golja un wawar sikepen, un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Rajengro liil 23:13

Ninna kras lo kol mulne platse pale-tchiddo, hoi kras o Salomo, ko baro rai pral Israel. Kolla his tardo ap koi rig o forestar Jerusalem, kai o kham pre-djal, ap i tchatchi rig o djeteskri bergatar. O Salomo kras len, te wenn kote kol djungele mule debla an-mangedo: i Astarte, koi debletsa dran Sidon; un o Kemosh, ko dewel dran o them Moab; un o Milkom, ko dewel dran o them Ammon.

Debleskri gili 106:29

O baro Debles tapras i bari choli pral kowa, hoi peskre menshe kran. Un job mukas i pharo nasslepen pral lende te well.

Debleskri gili 78:58

Jon mangan i wawarengre deblen an. Un choiran o Debles, har kran le penge chochene deblen.

Jesaja 43:12

Me penom glan-wi, hoi kroms; me lom tumen win dran o pandepen, jaake har penom. Kek wawar dewel mank tumende kras kowa. Kowa nai penenn tumer i wawarenge. Kowa penell o baro Dewel. Me hom o Dewel.

Jeremia 2:11

Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Jeremia 2:25

Israel, de garda ap tire herja, te nashess len gar dukenes, un ap tiro mui, te well lo gar truk! Tu peneh: Rike man gar pre! Me kamau kol menshen dran wawar themma, un hunte nashap lenge palla.

Jeremia 7:18

Kol tchawe rodenn kasht, kol dada krenn jag, i djuwja krenn merklia koi bolepaskri rajetsake. Un kol wawar deblenge anenn jon pipaske, te choirap me man koi pral.

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Ezekiel 8:3

Un job tchiwas tchomone har i wast pal mande win, un tapras man ap mire balla ap o shero. Un an ko dikepen, hoi dikom, un hoi was o Deblestar, hadas man o ducho pre dur pral i phub, un anas man an o foro Jerusalem pash o baro wudar, hoi hi ap i nordetikri rig, glan koi platsa, hoi djal trul o Debleskro kheer. Kote his i figura tardo, hoi i menshe an-mangan, un pral kolate o baro Dewel bares chojedo his.

3. Mose 18:27

hoi kolla kran, kai glan tumende kate djiwan un o them pale-tchiddo kran.

1. Korintarja 10:22

Ma choirenn o Debles! Mer ham gar sorleder har job.

5. Mose 32:21

Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

5. Mose 5:9

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

5. Mose 7:25

Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.