5. Mose 32:14 - O Debleskro Drom 2021 (Sinte)

¹⁴ Len his khil i grumjendar un i thud i bakrendar, ninna o mass i tikne bakrendar, un pesse bakre un busja; I Israelitarja chan o latcheder djob, un pijan gudli loli mool.

O Debleskro Lab 2024 (Sinte-Manouche)

¹⁴ Len his khil i groumyendar oun i thoud i bakrendar, ninna o mass i tikne bakrendar, oun pesse bakre oun bouzya; I Israelitarya rhan o lačeder djob, oun piyan goudli loli mool.

5. Mose 32:14 ပူးပေါင်းရင်းမြစ်များ

1. Mose 18:8

Un o Abraham las latcho khil, thud un ko mass. Un tchiwas lauter glan lende tel ko ruk. Un job atchas glan lende tardo, har jon chan.

1. Mose 49:11

Job pandell peskri burika ap i drakengro ruk. Un lakro ternepen pandell lo ap o latcho drakengro ruk. Peskro ripen thowell lo an mool, peskri baja an loli mool.

2. Samuel 17:29

gwin, khil, grumjengro kiral un bakrengro kiral. Kowa dan le o Davideske un kol menshenge, kai pash leste hi, te atchenn jon soreles. Kol triin penan penge: “Kol menshen hi bok un trush, un jon hi khino an kau mulo them.”

Nehemia 9:25

Jon lan sorele forja dren, un i latcho them, khera, hoi pherdo latcho koowa his, pani, hoi dran wi-dine bare barra was, drakengre ruka, djeteskre ruka, un bud wawar ruka, hoi latcho chapen hidjran. Un jon chan un wan tchalo un thullo. Un jon mukan les penge latches te djal. Jaake baro his tiro latchepen ap lende.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Hiob 20:17

Job dikell buder tchi o brawlepastar an kau them, ko bud gwin un thud, hoi har lengste panja nashenn.

Hiob 29:6

har dan mire grumja un busja budeder har doha thud, un mire djeteskre ruka jaake bud djet dan, te nashas lo har pani win dran o bar, kai wan i djeteskre drake tiknes kerdo!

Debleskri gili 147:14

Kek kurepen well an tumaro them, un o latcheder djob dell lo tumen te chal.

Debleskri gili 22:12

Atch gar dur mandar, man hi daar, un kek hi ap miri rig tardo.

Debleskri gili 81:16

Kolla, kai pen ap o baro Debleste choirenn, hunte witsrens pen tele glan leste. Lengri phagi atchals hako tsireske.

Jesaja 7:15

Khil un gwin chal lo, bis te djinell lo, hoi tchilatcho un hoi latcho hi.

Jesaja 7:22

Kolla denn jaake bud thud, te well i tseli familja khil te chal. Koon an ko tsiro pral atchas an o them, chal khil un gwin.

Ezekiel 39:18

Chan o mass i sorele lurdendar, un pijenn o rat i pralstunendar ap kai phub! Jon wenn maredo, har te wans le thulle vieche, kai o Debleske maredo wenn, har murshkane bakre, tikne bakre, busja un gurma, kai halauter dran o them Bashan hi.

Hosea 11:4

Latchepah tserdom len, un kamlepah sikrom lenge lengro drom, un hidjrom khetne lentsa ko pharepen ap lengre phika, un me djom ap mire tchanga, te dap len te chal.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

4. Mose 18:12

Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

5. Mose 28:47

Tumaro baro Dewel das tumen bud latcho koowa, awa, budeder har doha lauterestar. Un tumer hans gar leske koi i bachtelo djijeha.

Debleskro tsiro 14:20

Win glan o foro wan kol drake an koi bari piri stakedo. Un o rat nashas koi win, jaake bud, te djas o rat o grajenge pash lengre muja, un nashas triin-sheel (300) kilometarja dur.

Čačepangre 5:25

O Sisera, pani mangas lo, un thud das li les, an i kutch tcharo das li les smentana te pijell.