5. Mose 32:11 - O Debleskro Drom 2021 (Sinte)

¹¹ Job his har i adlari, kai peskre ternen win anell dran lengri nesta, un pral lende djal. Te wenn le khino, djal lo tel lende, krell peskre mussja buchles pre, un hidjrell len ap peskre mussja.

O Debleskro Lab 2024 (Sinte-Manouche)

¹¹ Yob his har i adlari, kay peskre ternen vin anell dran lengri nesta, oun pral lende djal. Te venn le khino, djal lo tel lende, krell peskre moussya bourhles pre, oun hidjrell len ap peskre moussya.

5. Mose 32:11 ပူးပေါင်းရင်းမြစ်များ

1. Mose 1:2

Har i phub kerdo was, his tchi koi pre. Kek djipen his koi. His rati un sorelo pani his pral halauter. Un o Debleskro ducho his pral o pani.

Debleskri gili 18:10

Un job tserdas o bolepen ap i rig, un was tele. Kali rat his tel leskre herja.

2. Mose 19:4

‘Tumer dikan, hoi me halauter ap kol Egiptarja krom, un har anom tumen pash mande jaake har i baro tchirklo hidjrell peskre tchawen ap peskro dumo.

Jesaja 31:5

Har tchirkle pengre mussja pral pengre ternende rikrenn, jaake rikrell o baro Dewel peskre wasta pral o foro Jerusalem. Job, ko rai pral o bolepen un i phub, well ap leskri rig, un lell les win dran i bibacht, te well leske kek tchilatchepen, un kek wawar buder o rai pral leste hi.

Jesaja 40:31

Kolla, kai ap o baro Debleste dikenn, lenn newi soor. Jon hadenn pen har bare tchirkle hadenn pen pengre mussjentsa. Jon nashenn un lengri soor djal gar krik. Jon djan trujel un wenn gar khino.

Jesaja 46:4

Ninna te wan tumer phuro, atchau me kowa, kai homs; ninna te lan tumer parne balla, rikrau tumen. Me hom, kai krom tumen. Un me rikrau tumen, un hidjrau tumen, un lau tumen dran o tchilatchepen win.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Jeremia 13:11

Jaake har i mursh ko pandepen trul peste pandella, jaake pandom me kol tsele menshen dran Israel un kol tsele menshen dran Juda trul mande, te wenn jon mire menshe. Kamom, te wap dran lende sharedo un miro lab bares un prindjedo well; jon kaman gar ap mande shunell, penell o baro Dewel.

Hosea 11:3

Me sikrom o Efrajimeske, har te nashell lo, un lom les ap mire mussja. Un jon haiwan gar, hoi me lenge krom.

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.

Hebrearja 11:3

Dran maro patsepen haiwah, te was o bolepen un i phub kerdo dran o Debleskro rakepen. Lauter, hoi kanna dikah, kowa kras o Dewel dran kowa, hoi nai dikah gar.

Debleskro tsiro 12:14

Un koi djuwjake wan tchirklengre mussja dino, har i baro tchirkles hi, te nai djal li an o mulo them ap ko kotar phub, kai joi nai djiwella dur krik ko sapestar. Kote atchell li triin-te-paash bersha. Un kote lell li halauter te chal un te pijell.

Debleskro tsiro 12:4

Un leskri pori tserdell o triinto kotar kol bolepangre momelendar krik, un witsras len tele ap i phub. Un ko baro lolo sap hi glan koi djuwjate tardo, kai an o tsiro was, te well o ternepen. Un jaake sik, har ko ternepen wals, kamas les lo pre te chal.