5. Mose 30:2 - O Debleskro Drom 2021 (Sinte)

² Te djan tumer palle pale pash tumaro baro Debleste, tumer un tumare tchawe, un shunenn ap leste tumaro tselo djijestar un tumari tseli sorjah an halauter, hoi me tumenge kau diwes penom,

O Debleskro Lab 2024 (Sinte-Manouche)

² Te djan t'mer palle pale pash t'maro baro Debleste, t'mer oun t'mare čave, oun shounenn ap leste t'maro tselo djiyestar oun t'mari tseli zoryah an halauter, hoy me t'menge kava dives penom,

5. Mose 30:2 ပူးပေါင်းရင်းမြစ်များ

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

1. Familjakro liil 29:9

Un i tsele menshe his bachtelo, kai dan lengre pralstune jaake bud kutch koowa dran pengro wast pengro tselo djijeha o baro Debleste. Un ninna o baro rai David his bachtelo pral kowa,

2. Familjakro liil 30:9

Te wenn tumer pale pash o baro Debleste, palle hatsenn tumare phrala un tchawe kamlepen pash kolende, kai len pandles rikrenna, un jon nai wenn pale pale an kau them. O baro Dewel, tumaro Dewel, hi i latcho un kamlo Dewel. Un job sikrell tumen gar o dumo, te wenn tumer pale pash leste.”

Nehemia 1:9

Te rissrenn tumer pale trujel pash mande, un rikrenn mire laba un djiwenn pal lende, palle anau tumen pale ap koi platsa, hoi win rodom, te wap kote prindjedo. Kowa krau me, ninna te wans tumer krik tradedo bis an o palstuno kotar ap i phub.’

Debleskri gili 119:2

Har bachtelo hi kolla, kai jaake djiwenn, har job lenge sikras, un pengro tselo djijestar ap leste shunenn.

Debleskri gili 119:80

Muk miro dji ap tiro drom te atchell, te krap, hoi mandar kameh, jaake te hunte ladjap man gar.

Debleskri gili 41:12

Muk len gar pral mande te sal! Palle dikau, te dikeh tu latches ap mande.

Jeremia 29:13

Tumer rodenn man un hatsenn man. Te rodenn man tumaro tselo djijeha,

Jeremia 3:10

Un an ko tselo koowa was i Juda, lakri pheen, gar pash mande o tselo djijestar, kokres o mujeha, penas o baro Dewel.

Jeremia 36:3

Te shunenn i menshe dran Juda, hawi bibacht kamau pral lende te anell, nai well, te mukenn le pengro tchilatcho drom un wenn pale pash mande, te nai lap lengri doosh un lengro tchilatchepen lendar krik.

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Ropaskre gilja 3:32

Ninna te dukell lo jekes, well lo leske pale kamles. Jaake baro hi leskro latchepen.

Ropaskre gilja 3:40

Dikas ap maro djipen, har mer djiwah, un rissras trujel pash o baro Debleste.

Ezekiel 6:9

Kote, kai le pandle hi, wau me lenge an o shero. Un jon dikenn dren, te dom len i phagi koleske, hoi jon kran: Jon phagan mantsa un nashan chochene deblen palla. Palle rissrell lenge halauter an pende pral ko tselo djungelo koowa, hoi jon kran.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

3. Mose 26:40

Palle penenn jon, te his lengri doosh un i doosh lengre phurendar, te rikran le gar ap mande un sikran mange o dumo.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

2. Korintarja 3:16

Ap ko diwes, kai mukenn i Israelitarja pengro drom un djan ap o Jesuseskro drom, lell job ko diklo lendar krik.

Efesarja 6:24

O Debleskro latchepen well pral lauterende, kai kamenn maro rajes, o Jesus Kristes, o tselo djijeha! Job dell len o djipen, hoi gar pre-herella!

5. Mose 13:3

un penell ninna: “Mer djas wawar deblen palla, hoi tumer gar prindjrenn, un mangas len an”, palle shunenn gar ap saweste, ninna te well kowa tchatcho, hoi job penas. Tumaro baro Dewel kamell te dikell, te kamenn les tumare tsele djijentsa un tumari tseli sorjah.

5. Mose 6:5

Tu kamess les tiro tselo djijestar un tiro tselo djipah un tiri tseli sorjah.

1. Johanni 1:9

Mer te mangah men tele glan o Debleste, un penah leske, hawi doosh mer ap mende lam, palle krell lo, hoi job penas un lell i doosh mendar krik. Job hi latcho un tchatcho un thowell o tselo tchilatchepen mendar tele.