5. Mose 30:19 - O Debleskro Drom 2021 (Sinte)

¹⁹ Kau diwes dau gole ap o bolepen un ap i phub, te dikenn le: O djipen un o merepen tchiwom me glan tumende, o Debleskri bacht un i bibacht. Jaake rodenn tumenge o djipen win, te atchenn djido, tumer un kolla, kai tumendar wenna.

O Debleskro Lab 2024 (Sinte-Manouche)

¹⁹ Kava dives dau gole ap o bolepen oun ap i phoub, te dikenn le: O djipen oun o merepen čivom me glan t'mende, o Debleskri barht oun i bibarht. Yaake rodenn t'menge o djipen vin, te ačenn djido, t'mer oun kolla, kay t'mendar venna.

5. Mose 30:19 ပူးပေါင်းရင်းမြစ်များ

1. Mose 2:17

Kokres ko ruk, kai della goswepen, hoi hi latcho un hoi hi tchilatcho, kolestar te chas tu gar. Te chah kolestar, mereh.”

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:173

De man tiro wast, hoi hadell man! Me krom miro dji pre, te rikrap tire laba, hoi menge penenn, hoi te kras mer.

Debleskri gili 119:30

Me kamau tiro drom an o tchatchepen te djal, un jaake djiwell har tire tchatchepaskre laba menge penenn.

Gosewe laba 1:29

Jon kaman o tchatchepen gar te djinell, un gar o baro Debleha te djiwell.

Gosewe laba 12:28

O djipen hi kote, kai djan le ap o tchatcho drom. Kau drom hi mishto kerdo un anell gar an o merepen.

Gosewe laba 8:36

Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

Gosewe laba 9:11

Me, o goswepen, dau tut i lengsto djipen, krau, te djiweh bud bersha.

Jesaja 1:2

Tu, o bolepen, un tu, i phub, shunenn, hoi me, o baro Dewel, penau: Me tserdom tchawen bares. Un har jon baro wan, phagan le mantsa.

Jesaja 56:4

Leske penell o baro Dewel: Te rikreh tu o Debleskro diwes dren, un kameh kowa te krell, hoi mange mishto hi, un rikreh tut ap kol laba, hoi mire menshendar win krom,

Jeremia 21:8

Un ap kal menshende an o foro Jerusalem pen: Kowa penell o baro Dewel: Tumer nai rodenn tumenge win, hoi kamenna: o djipen oder o merepen.

Jeremia 32:39

Me krau, te well len jek dji un jek djipen, te kamenn le ap mande te shunell pengro tselo djipen. Palle djal lenge mishto, ninna lengre tchawenge pal lende.

Jeremia 42:21

Kowa penom tumenge kau diwes. Un tumer kamenn gar ap tumaro baro Debleste te shunell, te krenn halauter, hoi job mukas tumenge dran miro mui te penell.

Ezekiel 20:11

Un kote penom lenge, hoi lendar kamau, har te djiwenn le pal miro tchatchepen. Miro tchatchepen hi kowa, koleha i mensho djido atchell, te rikrell lo pes ap leste.

Louka 10:42

Dell jek koowa, hoi bud moldo hi, un i Maria hatsas les. Kowa well latar gar krik lino.”

Bičepangre 2:39

O Dewel penas, te dell lo peskro Ducho tumende, un tumare tchawende, ninna kolende lauterende, kai kanna dur lestar hi, un kai job pash peste gole della.”

5. Mose 11:26

Kau diwes mukau tumen win rodell: Kamenn tumer o Debleskri bacht? Kamenn tumer i bibacht o Deblestar?

5. Mose 30:1

Kanna penom tumenge kal tsele laba, te nai rodenn win: Kamenn tumer, te well o Debleskri bacht pral tumende? Kamenn tumer te well leskro praassepen pral tumende? Te well koi bibacht pral tumende, un tumer djiwenn an i wawar themma, kai tumaro baro Dewel tumen tradas, wenn tumenge kal laba an o dji.

5. Mose 30:15

Dikenn, me mukau tumen kau diwes win te rodell mank o latchepen un o tchilatchepen, mank o djipen un o merepen.

5. Mose 30:16

Te krenn tumer, hoi me tumenge kau diwes penom, un kamenn tumaro baro Debles un djan ap leskre dromma, un djiwenn pal leskre laba un krenn, hoi job tumendar kamell un rikrenn tumen ap leskre tchatchepaskre laba, palle atchenn tumer djido. Un tumendar wenn bud menshe. Un tumaro baro Dewel tchiwell peskri bacht ap tumende an o them, kai dren djan, te lenn les tumenge dren.

5. Mose 31:17

Palle chatchell miri choli pre pral lende, un me mukau len, un wau lenge buder gar ap i rig. Bud djungelo pharo koowa pherdo duka un daar well pral lende. Un jon penenn palle ap ko diwes: ‘Kowa lauter well pral mende doleske, kai maro Dewel buder gar pash mende hi.’

5. Mose 31:28

O Mose penas dureder: “Penenn, te wenn i phureder dran tumare familje un tumare pralstune kate pash mande khetne, te penap kai gili glan lengre kanda. Un ap o bolepen un ap i phub dau me gole, te shunenn jon, hoi wella pral tumende, te mukenn tumer man.

5. Mose 32:1

Tu bolepen, shun, hoi penau! Tu phub, de jak ap i laba, hoi wenna dran miro mui!

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:25

Te djiwan tumer an o them bud bersha un tumen hi tchawe un tchawengre tchawe kote, ma krenn tumenge i debleskri figura tchomonestar! Kowa wals tchilatcho glan i jaka o baro Deblestar. Te krenn tumer sawo djungelo koowa, krenn tumer les chojedo.

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”

5. Mose 6:2

jaake te rikrenn tumaro baro Debles glan i jaka tumaro tselo djipen, un denn jak ap halauter, hoi lo tumendar kamella, ap leskre tsele laba, hoi me tumenge penau, te rikrenn tumen ap lende, tumer un tumare tchawe un tchawengre tchawe. Jaake djiwenn tumer i rah tsiro an tumaro them.

1. Timoteo 5:21

Me penau tuke soreles glan o Debleste, un glan o Jesus Kristeste, un glan kol Debleskre bolepangre, te rikress tut ap ko koowa, hoi me tuke kanna penom! Pash hakeneste dja pal o tchatchepen! Ma tserde jekes glan o wawareste!