5. Mose 30:16 - O Debleskro Drom 2021 (Sinte)

¹⁶ Te krenn tumer, hoi me tumenge kau diwes penom, un kamenn tumaro baro Debles un djan ap leskre dromma, un djiwenn pal leskre laba un krenn, hoi job tumendar kamell un rikrenn tumen ap leskre tchatchepaskre laba, palle atchenn tumer djido. Un tumendar wenn bud menshe. Un tumaro baro Dewel tchiwell peskri bacht ap tumende an o them, kai dren djan, te lenn les tumenge dren.

O Debleskro Lab 2024 (Sinte-Manouche)

¹⁶ Te krenn t'mer, hoy me t'menge kava dives penom, oun kamenn t'maro baro Debles oun djan ap leskre dromma, oun djivenn pal leskre laba oun krenn, hoy yob t'mendar kamell oun rikrenn t'men ap leskre čačepaskre laba, palle ačenn t'mer djido. Oun t'mendar venn boud menshe. Oun t'maro baro Devel čivell peskri barht ap t'mende an o them, kay dren djan, te lenn les t'menge dren.

5. Mose 30:16 ပူးပေါင်းရင်းမြစ်များ

1. Rajengro liil 3:3

O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

Gosewe laba 3:1

Miro tchawo, ma biste kowa, hoi tuke sikrom, rike mire laba an tiro dji!

Jesaja 1:19

Kamenn tumer ap mande te shunell? Palle nai chan tumer o tselo latchepen, hoi o them win anell.

Johanni 14:21

Koon mire laba shunella un krell, hoi me penau, kowa kamell man tchatchepah o djijestar. Un koon man kamella, koles kamell miro dad. Un me kamau les ninna o djijestar un me sikrau leste, koon me hom.”

1. Korintarja 7:19

Kolla hi gar budeder moldo, kai ap o mass tchinlo hi, har kolla, kai gar tchinlo hi ap o mass. Glan o Debleste molella, te rikress tut ap leskro lab.

5. Mose 30:17

Te krenn tumer gar, hoi tumaro baro Dewel tumendar kamell, un shunenn gar ap leskre laba, un mukenn tumen tele te anell leskro dromestar, un mangenn wawar deblen an,

5. Mose 30:19

Kau diwes dau gole ap o bolepen un ap i phub, te dikenn le: O djipen un o merepen tchiwom me glan tumende, o Debleskri bacht un i bibacht. Jaake rodenn tumenge o djipen win, te atchenn djido, tumer un kolla, kai tumendar wenna.

5. Mose 30:6

Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

5. Mose 32:47

Kalla hi laba, hoi tumenge bud moldo hi. Jon hi tumaro djipen. Djiwenn pal lende, un tumer djiwenna i rah tsiro an ko them wergel o panjestar Jordan, kai kanna dren djan, te lenn les tumenge dren.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 5:33

Djan jaake ap leskro drom, har job tumenge sikras! Palle atchenn djido, un djal tumenge mishto. Un tumer nai djiwenna i rah tsiro an ko them, hoi tumer dren lenn, te well lo tumaro.

5. Mose 6:5

Tu kamess les tiro tselo djijestar un tiro tselo djipah un tiri tseli sorjah.

Josua 23:11

Doleske denn jak koi pre, – djal tumaro djipaske – te kamenn tumaro baro Debles o tselo djijestar!