5. Mose 30:10 - O Debleskro Drom 2021 (Sinte)

¹⁰ Shunenn ap leste, djiwenn pal leskre laba, hoi an kau tchatchepaskro liil tchinlo hi, un krenn, hoi job tumendar kamell! Tumer hunte wenn pale pash leste tumaro tselo djijestar un tumari tseli sorjah.

O Debleskro Lab 2024 (Sinte-Manouche)

¹⁰ Shounenn ap leste, djivenn pal leskre laba, hoy an kava čačepaskro liil činlo hi, oun krenn, hoy yob t'mendar kamell! T'mer hounte venn pale pash leste t'maro tselo djiyestar oun t'mari tseli zoryah.

5. Mose 30:10 ပူးပေါင်းရင်းမြစ်များ

Nehemia 1:9

Te rissrenn tumer pale trujel pash mande, un rikrenn mire laba un djiwenn pal lende, palle anau tumen pale ap koi platsa, hoi win rodom, te wap kote prindjedo. Kowa krau me, ninna te wans tumer krik tradedo bis an o palstuno kotar ap i phub.’

Ezekiel 18:21

I tchilatcho, kai mukell peskro tchilatcho drom, un ko tselo tchilatcho koowa, hoi lo kras, un krell kanna, hoi lestar kamau, un hoi mishto un tchatcho hi, sawo hunte merell gar.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Ezekiel 33:14

Un te penau ap o tchilatcheste: Tu meress! Un job mukell peskro tchilatcho drom un krell kanna, hoi mishto un latcho hi,

Ezekiel 33:19

Un te mukell o tchilatcho peskro tchilatcho drom, un krell, hoi mishto un latcho hi, palle atchell lo doleske djido.

Zakarie 6:15

Dran dur themma wenna kolla, kai krenn o baro Debleskro kheer. Un palle dikenn tumer, kai o baro Dewel, ko rai pral o bolepen un i phub, kowa hi, kai bitchras man pash tumende. Te krenn tumer kowa, hoi tumaro baro Dewel tumenge penell, wella kowa halauter jaake.

Bičepangre 26:20

Me djom an o foro Damaskus, un palle an ko foro Jerusalem. Un i tsiro koi pre djom an ko them Judea. Un pal kowa djom pash kolende, kai kek bibolde hi, un penom lauterenge, te mukenn le pengro tchilatcho drom, un te djan le ap o Debleskro drom, un te djiwenn le jaake, kai i wawar dikenna, kai jon pengro phuro djipen mukan.

Bičepangre 3:19

Mukenn tumaro phuro djipen un awenn pash o Debleste, te lell job tumari doosh tumendar!

1. Korintarja 7:19

Kolla hi gar budeder moldo, kai ap o mass tchinlo hi, har kolla, kai gar tchinlo hi ap o mass. Glan o Debleste molella, te rikress tut ap leskro lab.

5. Mose 29:21

Un tumaro them well pherdi bibacht un pherdo nasslepen, hoi o baro Dewel ap leste tchiwell. Un an ko tsiro, hoi wella, dikenn kowa tumare tchawe un kolla, kai lendar wenna, ninna kol wi-themarja, kai dran dur themma wenna.

5. Mose 30:11

Kau tchinlo lab, hoi tumenge kau diwes penom, te rikrenn tumen ap leste, hi gar jaake pharo un jaake dur krik, te nai haiwenn un rikrenn les gar.

5. Mose 30:2

Te djan tumer palle pale pash tumaro baro Debleste, tumer un tumare tchawe, un shunenn ap leste tumaro tselo djijestar un tumari tseli sorjah an halauter, hoi me tumenge kau diwes penom,

5. Mose 30:8

Un tumer djan pale ap o baro Debleskro drom un shunenn ap leste un rikrenn tumen ap kol tsele laba, hoi tumenge kau diwes penom.

5. Mose 4:29

An kol themma rodenn tumer palle o baro Debles, kai tumaro Dewel hi. Te putchenn pal leste tumaro tselo djijeha un tumari tseli sorjah, hatsenn tumer les.

5. Mose 6:5

Tu kamess les tiro tselo djijestar un tiro tselo djipah un tiri tseli sorjah.