5. Mose 3:20 - O Debleskro Drom 2021 (Sinte)

²⁰ Tumer kurepangre, awenn tumare phralenge pash o wast jaake rah bis te lan le ko them dren, hoi o baro Dewel len della ap i wawar rig o panjestar Jordan, un bis te mukell lo len kote te djiwell kek kurepah, jaake har job ninna tumenge kras. Palle nai djan tumer pale an tumaro them, hoi tumende dom.”

O Debleskro Lab 2024 (Sinte-Manouche)

²⁰ T'mer kourepangre, avenn t'mare phralenge pash o vast yaake rah bis te lan le ko them dren, hoy o baro Devel len della ap i vavar rig o panyestar Yordan, oun bis te moukell lo len kote te djivell kek kourepah, yaake har yob ninna t'menge kras. Palle nay djan t'mer pale an t'maro them, hoy t'mende dom.”

5. Mose 3:20 ပူးပေါင်းရင်းမြစ်များ

4. Mose 32:18

Mer kamah gar khere te djal, bis te hako Israelitari peskro kotar them las.

4. Mose 32:22

un bis te hi lo o rai pral ko them. Koi pal nai djan tumer pale pale, un kek doosh lan tumer ap tumende glan o baro Debleste un glan Israel. Un o them ap kai rig kate well tumende dino glan o baro Debleste.

5. Mose 12:9

Kanna wan gomme gar khere an ko them, hoi tumen tumaro baro Dewel dell, te well les tumaro.

5. Mose 3:21

An ko tsiro penom ap o Josua: “Tire jaka dikan kowa halauter, hoi tumaro baro Dewel kal dui rajentsa kras. Un jaake krell o baro Dewel hako rajeha an hako them, kai tu djah.

Josua 22:2

un penas ap lende: “Tumer kran halauter, hoi penas tumenge o Mose, koles o baro Debleskro tchatcho wast his. Un kran halauter, hoi me tumenge penom.

Josua 22:4

Kanna kras tumaro baro Dewel, te nai lan tumare phralen lengro them ninna dren, un jon nai djiwenn kote an o latchepen, jaake har lo kowa lenge penas. Doleske rissrenn kanna trujel, un djan pash tumare plachtene khera an ko them, hoi tumenge dino was, te well lo tumenge – ko them, hoi das tumen o Mose, koles o baro Debleskro tchatcho wast his, ap i wawar rig o panjestar Jordan.

Josua 22:8

penas lo ap lende: “Tumer wenn khere baro brawlepah: Tumen hi bud vieche, rup un sonakai, lolo saster un wawar saster un ripja, hoi lan kolendar, kai kuran pen tumentsa. Denn tumare phralen, kai khere atchan, o paash kolestar!”

Josua 22:9

Kote djan i mursha dran i familja Ruben un dran i familja Gad un dran i paash familja Manasse penge pengre phralendar, kol wawar Israelitarjen. An o foro Shilo, hoi an o them Kanaan tchiddo hi, kran le pen ap o drom, te djan le khere an o them Gilead. Kote his ko kotar them, hoi lenge dino was, te well lo lengro, jaake har o baro Dewel ap o Moseste penas.