5. Mose 3:18 - O Debleskro Drom 2021 (Sinte)

¹⁸ An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

O Debleskro Lab 2024 (Sinte-Manouche)

¹⁸ An ko tsiro penom i morshenge dran kol familya Ruben, Gad oun Manasse: “T'maro baro Devel das t'men kava them, te lenn les t'menge dren. Kanna lenn t'maro kourepaskro koova oun djan t'mare phralenge, kol vavar Israelenge glan vin.

5. Mose 3:18 ပူးပေါင်းရင်းမြစ်များ

1. Mose 15:7

Un o baro Dewel penas ap leste: “Me hom o baro Dewel, kai anom tut dran o foro Ur, hoi an o them Kaldea hi. Kau them, kai tu kanna hal, dau tut, te well kowa tiro them.”

Debleskri gili 136:21

Un das lengro them peskre menshende. Leskro latchepen atchella hako tsireske!

4. Mose 33:53

Un lenn ko them tumenge, un djiwenn kote dren. Kau them dom me tumende, te lenn kowa tumenge.

5. Mose 12:1

Kanna penau tumenge, hoi o Dewel tumendar kamella un leskre tchatchepaskre laba, hoi hunte rikrenn an ko them, hoi dell tumen o baro Dewel, kai ninna o Dewel tumare phurendar his, te lenn les tumenge dren. Denn jak ap kal laba, un rikrenn tumen ap lende jaake rah har djiwenn.

5. Mose 15:4

Te shunenn tumer ap tumaro baro Debleste un djiwenn pal kol tsele laba, hoi me tumenge kau diwes penau, palle well kek tchorwelo mank tumende. Tumaro baro Dewel tchiwell peskri bacht ap tumende an ko them, hoi job tumen dell.

5. Mose 19:14

An ko tsiro, kai djiwenn an ko them, hoi tumaro baro Dewel tumen dell, te lenn les tumenge dren, palle hunte tchiwess gar kol barra ap i rig, hoi sikrenn har baro hi ko kotar them kolestar, kai langs tute djiwell. Kolla his tire phure, kai tchiwan kol barra koi.

5. Mose 19:7

Doleske penau me tumenge, te rodenn triin forja win.

5. Mose 21:1

Te well i mulo mensho win glan o foro tchiddo hatslo an o them, hoi tumaro baro Dewel tumen dell, te lenn tumer les dren, un kek djinell, koon les mulo das,

5. Mose 25:19

Ap ko tsiro, kai lan tumer ko them dren, hoi tumaro baro Dewel tumen dell, un tumer buder gar an o kurepen han kolentsa, kai trul tumende djiwenn, palle denn kol tsele Amalekarjen mulo, jaake te atchell tchi lendar pral, hoi sikrell, te his i tsiro, kai djiwan le. Un kowa bistrenn gar!

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 9:6

Jaake djinenn kanna, hi gar dran tumaro tchatcho djipen, te dell tumen tumaro baro Dewel kau latcho them, te lenn les tumenge dren. Tumer han menshe i djijentsa har bar.

Josua 1:11

“Djan mashkral i plachtene khera un penenn i menshenge: Lenn chapen un pipen pash tumende o dromeske! An triin diwessa djan tumer pral o pani Jordan an ko them dren, hoi dell tumen o baro Dewel, kai tumaro Dewel hi, te well ko them tumaro!”