5. Mose 3:14 - O Debleskro Drom 2021 (Sinte)

¹⁴ O Jair dran i familja Manasse las ko tselo kotar them Argob bis pash o them, kai i Geshurarja un i Maachatarja djiwenn. O Jair kharas kol gaba an o them Bashan pal peskro lab ‘o Jaireskre gaba’. Un jaake kharenn le gomme kau diwes.]

O Debleskro Lab 2024 (Sinte-Manouche)

¹⁴ O Yayr dran i familya Manasse las ko tselo kotar them Argob bis pash o them, kay i Geshourarya oun i Maakatarya djivenn. O Yayr kharas kol gaba an o them Bashan pal peskro lab o Yayreskre gaba. Oun yaake kharenn le gomme kava dives.]

5. Mose 3:14 ပူးပေါင်းရင်းမြစ်များ

2. Samuel 10:6

Har kol Ammonarja dikan, kai kran le o Davides mulo chojedo, ginan le lurden dran wawar themma: 20.000 (biish-serja) Syrarja dran o foro Bet-Rehob un dran o foro Zoba, 1.000 (jek sero) lurde o baro rajestar pral o them Maacha, 12.000 (deesh-te-dui-serja) lurde dran o them Tob.

2. Samuel 13:37

O Absalom nashas peske, un djas pash o Talmai, koleskro dad o Ammihud hi, ko baro rai pral o foro Geshur. O Davideskro dji rowas pral leskro tchaweste hako tsiro.

2. Samuel 14:23

Jaake kras pes o Joab ap o drom, un djas an o foro Geshur, un anas o Absalomes pale an o foro Jerusalem.

2. Samuel 20:26

Ninna o Ira i menshendar Jair his o Davideskro rashai.

2. Samuel 23:34

o Elifelet, koleskro dad o Ahasbai hi, dran Maacha, o Eliam, koleskro dad o Ahitofel hi, dran Gilo,

2. Samuel 3:3

Ko duito his o Kilab. Leskri dai his i Abigajil, kolakro rom, o Nabal dran Karmel, meras. Ko triinto his o Absalom. Leskri dai his i Maacha, koi tchai o baro rajestar pral o them Geshur. Leskro lab his Talmai.

Debleskri gili 49:11

Na-a, mer dikah: O gosewo hunte merell, jaake har o narwelo un o dinelo ninna. Un lauter, hoi len his, hunte mukenn le pale i wawarenge.

Jeremia 40:8

Kal pralstune lurde his: O Jishmael, koleskro dad o Netanja his, o Johanan un o Jonatan, kolengro dad o Kareach hi, un o Seraja, koleskro dad o Tanhumet his, un i mursh tchawe o murshestar Efai dran Netofa, un o Jaasanja dran Maacha. Jon lauter un lengre lurde wan pash o Gedalja. Kowa his an o foro Mizpa.

4. Mose 32:41

O Jair, koleskro dad o Manasse his, djas koi, un las gaba peske dren un das len ko lab ‘Jaireskre gaba’.

5. Mose 3:13

Un ko wawar paash o themestar Gilead un o tselo them Bashan, kai o Og o rai his, kowa dom i paash familjake Manasse. Kowa his o tselo kotar them Argob. [Kau tselo them Bashan well kharedo ‘o them fun i riese’.

5. Mose 3:4

An ko tsiro lam ko tselo kotar them Argob dren an o them Bashan, pral kowa o Og o rai his, un leskre tsele forja. Das kek foro lestar, hoi mer gar dren lam. Kolla his 60 (shob-deesh) forja.

Josua 12:5

Job his o rai pral i berga Hermon un pral o foro Salka, un pral o tselo them Bashan bis kote, kai i themma Geshur un Maacha tchiddo hi. Un an o them o baro rajestar Og his ninna o paash them Gilead bis pash o them, kai o Sihon o baro rai his, kowa, kai djiwas an o foro Heshbon.

Josua 13:13

Kol menshen dran Geshur un Maacha tradan i Israelitarja gar krik. Doleske djiwenn jon gomme kau diwes mank i Israelitarjen.