5. Mose 3:1 - O Debleskro Drom 2021 (Sinte)

¹ Kote rissram un lam o drom, hoi an o them Bashan pre djal. Un o Og, ko baro rai pral Bashan, djas win peskre tsele lurdentsa, te kurenn le pen mentsa pash o foro Edrei.

O Debleskro Lab 2024 (Sinte-Manouche)

¹ Kote rissram oun lam o drom, hoy an o them Bashan pre djal. Oun o Og, ko baro ray pral Bashan, djas vin peskre tsele lourdentsa, te kourenn le pen mentsa pash o foro Edrei.

5. Mose 3:1 ပူးပေါင်းရင်းမြစ်များ

1. Rajengro liil 4:19

O Geber, koleskro dad o Uri hi, job his o pralstuno pral o them Gilead, kai glan i tsiro o Sihon o rai his, ko baro rai pral i Amorarja, un o Og o baro rai pral Bashan his. Kokres jek mursh his o pralstuno pral kau them.

Nehemia 9:22

Un dal rajengre themma un wawar menshen an lengre wasta; jek them pal o wawar dal tu len. Jaake lan le o them Heshbon dren, kai o Sihon o baro rai his, ninna o them Bashan, kai o Og o baro rai his.

Debleskri gili 136:20

Un o Og, o baro rai pral o them Bashan. Leskro latchepen atchella hako tsireske!

5. Mose 1:4

Kowa his pal kowa job kol dui bare rajen das: o Sihon, ko baro rajes pral i Amorarja, kai an o foro Heshbon djiwas, un palle pash Edrei o Og, ko baro rajes pral Bashan, kai an o foro Astarot djiwas.

5. Mose 2:32

Un o Sihon djas win dran o foro peskre tsele lurdentsa, te kurenn le pen mentsa pash o foro Jahaz.

5. Mose 29:7

Un mer lam lengro them dren un dam les i menshende dran o kheer Ruben un dran o kheer Gad un i paash familjate Manasse, te well ko them lengro them.

5. Mose 3:2

Un o baro Dewel penas ap mande: “Ma dare lestar, me dom les un leskre tsele lurden un leskro them an tiro wast. Kre leha har kowa o Sihoneha kral, ko baro rajeha pral i Amorarja, kai an o foro Heshbon djiwas.”

5. Mose 31:4

O baro Dewel krell kol wawar menshentsa jaake, har job kowa kras i rajentsa pral i Amorarja, o Sihon un o Og, kolen job das un lengro them paash kras.

5. Mose 4:47

Un jon lan leskro them penge dren, ninna o them, kai o Og o rai his pral o them Bashan. O Sihon un o Og, kol dui his i raja pral i Amorarja ap kai rig o panjestar Jordan, kai o kham pre djala.

Josua 12:1

Un kalla hi kol bare raja, pral kolende i Israelitarja i sorleder wan, un lengre themma dren lan. Dui his i raja pral o them ap koi rig o panjestar Jordan, kai o kham pre djala, mank o pani Arnon un koi berga, hoi kharell Hermon, ninna pral koi tseli tala ap koi rig o panjestar Jordan, kai o kham pre djal.

Josua 12:4

Ko wawar baro rai his o Og, ko rai pral o them Bashan. Job djiwas an o foro Astarot un an o foro Edrei, un his jek, kai kol bare menshendar pral atchan, kai wenn ‘riese’ kharedo.

Josua 13:30

ko tselo them Bashan bis pash o foro Mahanajim; o them Bashan his o them, kai o Og o baro rai his; un i tsele gaba, kai kharenn ‘Jaireskre gaba’, un hi an o them Bashan tchiddo – kolla his 60 (shob-deesh) gaba.

Josua 9:10

un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.