5. Mose 29:9 - O Debleskro Drom 2021 (Sinte)

⁹ Kau diwes han halauter glan tumaro baro Debleste tardo: I pralstune pral tumare bare familjende, tumare phureder un kolla, kai pral tumende penepaske hi, hake mursha,

O Debleskro Lab 2024 (Sinte-Manouche)

⁹ Kava dives han halauter glan t'maro baro Debleste tardo: I pralstoune pral t'mare bare familyende, t'mare phoureder oun kolla, kay pral t'mende penepaske hi, hake morsha,

5. Mose 29:9 ပူးပေါင်းရင်းမြစ်များ

1. Rajengro liil 2:3

Djib tiro djipen glan tiro baro Debleste! Dja ap leskre dromma! Kre, hoi o Dewel tutar kamell, un rike tut ap leskre laba un ap leskro tchatchepen! Djib jaake, har job mende sikras an o Moseskre lila. Palle djal tuke halauter mishto, hoi kreh, un kai tu ninna djah.

2. Familjakro liil 20:13

Un i tsele mursha dran o them Juda, ninna lengre tchawe un djuwja pengre tikne tchawentsa, halauter his tardo glan o baro Debleste.

2. Familjakro liil 31:21

Un halauter, hoi job kras, te well koi budi an o Debleskro kheer jaake kerdo har glan tchinlo hi, kowa kras lo peskro tselo djijeha. Job rodas, te krell lo, hoi peskro Dewel lestar kamas. Doleske mukas o baro Dewel kowa leske mishto te djal.

Debleskri gili 25:10

I tsele dromma hi latcho un tchatcho, kai o baro Dewel kolen anell, kai rikrenn pen ap leskre laba un krenn, hoi job lenge penell.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 29:10

tumare tchawe un tumare djuwja un kol wi-themarja kolla mank tumende djiwenn, ninna kolla, kai tumenge o kasht tiknes denn un o pani anenna.

5. Mose 31:12

Kote an i tsele menshen khetne, i murshen, i djuwjen un i tchawen, ninna kol wi-themarjen, kai an tumare forja djiwenn. Jon lauter hunte shunenn kal laba, jaake te djinenn le, har te djiwenn le o baro Debleha, kai tumaro Dewel hi, un rikrenn pen mishto ap kal tsele tchatchepaskre laba.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”

5. Mose 5:3

Gar mare phurentsa kokres djas lo koi sowel dren, na-a mentsa lauterentsa, kai kau diwes djiwah un kate ham.

Josua 1:7

Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

Josua 1:8

Pen tuke kol laba glan, hoi an ko liil tchinlo hi! Ap o diwes, har an i rat, muk len tuke an tiro shero trujel te djal, te rikress un kress halauter, hoi an ko liil tchinlo hi. Palle djal tuke halauter mishto, un kowa, hoi kreh, well mishto.

Josua 24:1

Un o Josua mukas menshen dran haki bari familja, kai wan kol deesh-te-dui tchawendar o Jakobestar pash peste an o foro Sichem khetne gole te dell, i phureden, i pralstunen pral i bare familje, i tchatchepangre murshen, un wawar pralstunen. Un jon wan khetne glan o Debleste.

Josua 8:35

Un his kek lab, hoi mukas o Josua gar win te kharell kol tsele labendar, hoi o Mose penas. Un i tsele Israelitarja, ninna i djuwja un tchawe un wi-themarja mank lende shunan kowa.