5. Mose 29:2 - O Debleskro Drom 2021 (Sinte)

² Koi phari bibacht, hoi anas lo ap lende, hoi sikras, te hi job o Dewel, dikan tumer tumare jakentsa, sawo baro un sorelo koowa, hoi kek wawar nai krell.

O Debleskro Lab 2024 (Sinte-Manouche)

² Koy phari bibarht, hoy anas lo ap lende, hoy sikras, te hi yob o Devel, dikan t'mer t'mare yakentsa, savo baro oun zorelo koova, hoy kek vavar nay krell.

5. Mose 29:2 ပူးပေါင်းရင်းမြစ်များ

2. Mose 19:4

‘Tumer dikan, hoi me halauter ap kol Egiptarja krom, un har anom tumen pash mande jaake har i baro tchirklo hidjrell peskre tchawen ap peskro dumo.

2. Mose 8:12

Un o baro Dewel penas ap o Mose: “Pen ap o Aron: ‘Hade tiro kasht pre un de an i tchik ap i phub!’ Palle well koi tchik an o tselo them Egiptia matsille, kai denn tchurje.”

Jesaja 42:20

Ninna te dikan tumer bud koowa, lan les gar an o dji. Ninna te his tumare kanda pre, shunan gar.

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 11:7

Tumer dikan tumare jakentsa ko tselo baro kowa, hoi o baro Dewel kras.

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 29:3

Un bis ap kau diwes das o baro Dewel tumen gomme gar djia, hoi haiwenn un jaka, hoi nai dikenn un kanda, hoi nai shunenn.

Josua 24:17

O baro Dewel hi maro Dewel, un job his kowa, kai las men un mare phuren dran o them Egiptia win, kai pandle hams. Un glan mare jaka kras job kau tselo baro koowa an peskri soor. Un das ap mende jak, o tselo drom, har djam an i tsele themma, kai kol wawar menshe djiwan.

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.