5. Mose 28:56 - O Debleskro Drom 2021 (Sinte)

^56-57 Un i djuwel tumendar, kolat hako tsireske doha ap halauter his, un jaake railes djiwas, te mukas pes li te hidjrell, un peskre pire gar ap i phub tchiwas, – jaake railes was li peske glan, un sau brawelo djipen djiwas li – ninna koi djuwel chal peskro ternepen un kowa hoi gomme pal kowa win well dran late, har anas li o ternepen ap i phub. Tchorchanes chal li kowa un dikell pherdo silwepen ap peskro romeste un peskri tchat, te lenn jon tchi kolestar. Tchi wawar atchas lake chapaske. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

O Debleskro Lab 2024 (Sinte-Manouche)

^56-57 Oun i djouvel t'mendar, kolat hako tsireske doha ap halauter his, oun yaake rayles djivas, te moukas pes li te hidjrell, oun peskre pire gar ap i phoub čivas, – yaake rayles vas li peske glan, oun sau bravelo djipen djivas li – ninna koy djouvel rhal peskro ternepen oun kova hoy gomme pal kova vin vell dran late, har anas li o ternepen ap i phoub. Čorrhanes rhal li kova oun dikell pherdo zilvepen ap peskro romeste oun peskri čat, te lenn yon či kolestar. Či vavar ačas lake rhapaske. Yaake baro hi koy daar oun koy bok an t'mare tsele forya, kay han dren pandlo kolendar, kay kourenn pen t'mentsa.

5. Mose 28:56 ပူးပေါင်းရင်းမြစ်များ

5. Mose 28:54

I mursh tumendar, koles hako tsireske doha ap halauter his, un railes djiwas, ninna kowa chal peskre tchawen, un dikell pherdo silwepen ap peskro phraleste un ap peskri romjate un ap peskro wawar tchaweste, hoi leske gomme atchas, te lenn jon tchi ko massestar. Tchi wawar har kau mass atchas leske leskro tselo brawlepastar. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

Jesaja 3:16

Un o baro Dewel penas: Dikenn, har pre-phurde jon hi, kol djuwja an o foro Jerusalem! Lengre sherja hidjrenn le pre, witsrenn pengre jakentsa trujel, te dikenn len hakeno. Jon khelenn pash o naashepen. Lengre pire hadenn le jaake, te bashrenn kol werklia, hoi le trul pengre pire tchiwan.

Mateo 11:8

Koon kaman tumer te dikell? Kaman tumer i murshes te dikell, kai an kutch koola rido hi? Na-a, sawo mursh hi lo witar gar! Kolla, kai riwenna kutch koola, djiwenn an i rajengre khera.

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Jeremia 6:2

Tu, shukar foro Jerusalem, ko tsiro hi koi, kai weh paash dino.

Ropaskre gilja 4:10

I bibacht, hoi was ap mire menshende, was jaake baro, te keran i djuwja pengre tchawen, – kol djuwja, kolengro dji pherdo kamlepen his – te nai was len tchomone te chal.