5. Mose 28:32 - O Debleskro Drom 2021 (Sinte)

³² Tire mursh tchawe un tire tcha wenn i menshenge an i wawar them dino, te budrenn le lenge. Un tire jaka dikenn kowa, un tiro dji nashell pal lende un phagella. Un an tire wasta atchell buder kek soor.

O Debleskro Lab 2024 (Sinte-Manouche)

³² Tire morsh čave oun tire ča venn i menshenge an i vavar them dino, te boudrenn le lenge. Oun tire yaka dikenn kova, oun tiro dji nashell pal lende oun phagella. Oun an tire vasta ačell bouder kek zoor.

5. Mose 28:32 ပူးပေါင်းရင်းမြစ်များ

2. Familjakro liil 29:9

Mare dada wan o chareha maredo, un i djuwja un tchawe un tcha wan pandles an i wawar themma anlo.

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Hiob 17:5

Hi penlo: Jek chal khetne peskre malentsa, un leskre tchawe hunte bokenna.

Hiob 31:8

palle kamau djob an i phub te witsrell, un i wawar nai chal kowa, hoi kolestar bares was. Un kowa, hoi mange dran i phub win was, tserdenn palle i wawar dran i phub win.

Debleskri gili 119:123

Mire jaka nashenn pal tute: Le man win dran o tchilatchepen, jaake har tu penal an tiro tchatchepen.

Debleskri gili 119:82

Me dikau mange i jaka win pal kowa, hoi tu mange penal. Kaana weh tu, un khosseh mange i swa tele?

Debleskri gili 69:3

Me tassau an sapeni tchik, mire herja hatsenn kek phub, kai jon nai tardo atchans. Hom an pani, hoi dur tele djal. Un sorele panja kamenn man tele te tserdell.

Jesaja 38:14

An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Ropaskre gilja 1:18

O baro Debles his tchatcho, har das lo man i phagi. Me shunom gar ap leskro lab. Shunenn, tumer menshe an wawar themma, un dikenn, har baro miri duk hi! Mire terne tcha un terne tchawe wan pandles krik lino.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ropaskre gilja 4:17

Pale te pale dikan mare jaka pen trujel pal jekeste, kai menge ap i rig well. Un kek was. Ko them, ap koleste dikam, nai las men gar dran i bibacht win.

Ropaskre gilja 5:17

Doleske hi maro dji nasselo, un mare jaka wi-rowedo,

Ezekiel 24:25

Un tu mensho, djiness, me krau ko sorelo kheer paash, kolestar jon patsenn, te well i menshenge kote kek tchilatchepen, ko railo kheer, pral koleste jon jaake bachtelo hi. Un hoi jon budeder kamenna har halauter, pal koleste lengre djia nashenn, lengre mursh tchawen un lengre tchen, lau lendar krik.

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

Micha 4:10

Awa, tumer an o foro Zion, sawe duka wenn pral tumende. Un tumer denn bari gole, har i romni, kai lell i ternepen. Tumer hunte djan dran o foro, un hunte rikrenn tumen win ap o them pre, un wenn bis pash o foro Babilon anlo. Kote lell tumen o baro Dewel pale win. Job lell tumen win dran i wasta kolendar, kai rikran tumen tele.

4. Mose 21:29

Djungelo tuke Moab! Tumer menshe ko deblestar Kemosh han nashedo. Tire tchawe wan dino un nashan, un tire tcha wan pandlo anlo pash o Sihon, ko baro rai pral i Amorarja.

5. Mose 28:18

Tumer lenna gar bud tchawe, gar bud djob, gar bud grumja un bakre.

5. Mose 28:31

Tu dikeh har wawar tiri grumni marenn, un tu lell latar tchi te chal. Tiri burika well tuke randedo glan tire jaka, un well tut gar buder pale dino. Kol menshe, kai kurenn pen tuha lenn tire bakre un busja penge, un kek well ap tiri rig, te lell lo len dran lengre wasta win.

5. Mose 28:41

Tumen wenn mursh tchawe un tcha. Un jon atchenn tumenge gar. Pandles wenn le krik anlo.

5. Mose 28:65

Mank kol menshende hatsenn kek platsa, kai khere han un atchenn nashte. Un o baro Dewel dell tumen kote i dji, hoi o tselo tsiro darell. An tumare jaka hi kek djipen buder. Un tumer kamenn buder gar te djiwell.