5. Mose 28:16 - O Debleskro Drom 2021 (Sinte)

¹⁶ Bibacht well ap tumende an o foro un ap tumari hachetikri phub.

O Debleskro Lab 2024 (Sinte-Manouche)

¹⁶ Bibarht vell ap t'mende an o foro oun ap t'mari harhetikri phoub.

5. Mose 28:16 ပူးပေါင်းရင်းမြစ်များ

1. Mose 5:29

Un job das les ko lab Noah un penas: “Mari budi hi pharo ap i hachetikri phub, kai tchiwas o baro Dewel i bibacht pre. O Noah dell mare djia newi soor.”

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo chapen. Tchi har i wast pherdo jarro an i piri un i roi pherdo djet an o khoro hi man. Ake, jek, dui kotja kasht, hoi hadom pre. Kanna djau khere un krau mange un miro tchaweske i chapen, te chas. Un palle hunte meras.”

1. Rajengro liil 17:5

Un job kras, har o baro Dewel leske penas, un djas ap i wawar rig o panjestar Jordan un atchas pash o tikno pani Krit.

Hiob 24:18

O tchilatcho well sik krik hidjedo har i patri ap o pani. Ap leskro kotar phub hi i praassepen tchiddo. Pash peskre drakengre ruka djal lo buder gar.

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Jesaja 43:28

Doleske tchiwom tire rashajen pale. Un mukom menshen dran wawar themma pral tute well, te wess paash dino, Jakob. Un krom, te wan tumer Israelitarja praassedo.

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Jeremia 26:6

palle krau kau khereha har ko khereha an Shilo. Un me krau, te penenn i wawar menshe, te kamenn le jekes te praassell: Mu djal tuke har o foreske Jerusalem!

Jeremia 44:22

un job nai dikas buder gar, har djan ap tumaro tchilatcho drom un kran sawo djungelo koowa! Doleske was tumaro them i mulo them. I menshe, kai shunenn kolestar, denn i wasta pral o shero khetne. Un te kamenn le jekes te praassell, penenn le: Mu djal tuke har o themeske Juda! Kek mensho djiwell buder koi. Jaake hi kowa kau diwes!

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Ropaskre gilja 1:1

Jerusalem, har muklo hal koi tchiddo, tu, kai hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rajetsa hals pral wawar themma. Kanna hunte budress i wawarenge.

Ropaskre gilja 5:10

Har te hams an i bob, chatchell mari hauta koi bari bokatar.

Joel 1:4

Bud bud stepangre wan pral o them un beshan pen ap o djob. Hoi mukan kolla pral, chan kolla, kai pal lende wan. Hoi kolla pral mukan, chan kolla, kai pal kolende wan. Hoi palle pral atchas, chan kolla, kai pal kolende wan.

Joel 2:3

Glan lende djal i jag un pal lende chatchell i phub. Glan ko tsiro, kai wenn le, hi o them har o Debleskri baar Eden, un te djan le pral wergel, atchell i diwjo paash them. Kek nai nashell lendar krik.

Zakarie 5:4

O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”