5. Mose 28:14 - O Debleskro Drom 2021 (Sinte)

¹⁴ Tu tchiwess kek lab ap i rig, hoi tuke kau diwes penau. Tu djas gar tele leskro dromestar, gar tchatches un gar serwes. Un djas gar wawar deblenge palla, te mangess len an.

O Debleskro Lab 2024 (Sinte-Manouche)

¹⁴ Tou čivess kek lab ap i rig, hoy touke kava dives penau. Tou djas gar tele leskro dromestar, gar čačes oun gar serves. Oun djas gar vavar deblenge palla, te mangess len an.

5. Mose 28:14 ပူးပေါင်းရင်းမြစ်များ

2. Rajengro liil 22:2

Un job kras, hoi mishto hi glan o baro Debleskre jaka, un djas o drom, kai leskro phuro dad o David ninna djas, un peras gar kau dromestar tele, gar ap i tchatchi rig un witar gar ap i serwi rig.

Nehemia 1:7

Tchilatcho koowa kram ap tute, har shunam gar ap tire laba, hoi tu penal ap o Mose, koles tiro wast his. Un kram gar, hoi tu mendar kamal un djiwam gar pal tiro tchatchepen.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

5. Mose 11:16

Denn tumen jak, te mukenn tumen gar krik te anell o baro Debleskro dromestar, un perenn lestar tele un mangenn wawar deblen an, un witsrenn tumen glan lende tele.

5. Mose 5:32

Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.

Josua 1:7

Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.

Josua 23:6

Doleske rikrenn soreles ap halauter, hoi tchinlo hi an o Moseskre lila! Rikrenn leskre tsele laba! Tchiwenn kek lendar ap i rig!