5. Mose 27:25 - O Debleskro Drom 2021 (Sinte)

²⁵ “Praassedo well kowa, kai i wawarestar lowe lell, te dell lo koleske i wawares mulo, ap koleste kek doosh hi.” Un i tsele menshe hunte penenn: Amen!

O Debleskro Lab 2024 (Sinte-Manouche)

²⁵ “Praasedo vell kova, kay i vavarestar love lell, te dell lo koleske i vavares moulo, ap koleste kek doosh hi.” Oun i tsele menshe hounte penenn: Amen!

5. Mose 27:25 ပူးပေါင်းရင်းမြစ်များ

Debleskri gili 15:5

Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.

3. Mose 19:16

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.

Mateo 26:15

un putchas lendar: “Kitse lowe denn man tumer, te dau les an tumare wasta?” Un jon dan les trijanda rupene beme.

Bičepangre 1:18

O Judas ginas peske i kotar phub kol lowentsa, hoi job las, har job ap o Jesuseste phukras. Job peras o shereha glan tele ap koi phub, hoi job peske ginas, un leskre tsele buke wan dran leskro per win. Un job meras.

5. Mose 10:17

Tumaro baro Dewel hi o Dewel pral hako dewel un o rai pral hako rai. Job hi o baro un o sorelo, kolestar halauter darenn. Job dikell gar koi pre, koon jek hi. Un job lell tchi an, hoi kamell jek les te dell, te rissrell lo o tchatchepen trujel.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

Čačepangre 9:24

Jaake te well ko tchilatchepen ap leste pale, hoi job ap kol efta-deesh tchawende peskro dadestar Gideon kras. Un lengro rat te well ap lengro phraleste Abimelech, kai len temerl das, un ap kolende, kai an o foro Sichem djiwan un leskre wasta soreles kran.