5. Mose 27:14 - O Debleskro Drom 2021 (Sinte)

¹⁴ Un i Levitarja hunte denn ap i tsele murshende an Israel gole, un penenn:

O Debleskro Lab 2024 (Sinte-Manouche)

¹⁴ Oun i Levitarya hounte denn ap i tsele morshende an Israel gole, oun penenn:

5. Mose 27:14 ပူးပေါင်းရင်းမြစ်များ

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

5. Mose 27:13

Un i menshe dran i khera Ruben, Gad, Asser, Sebulon, Dan un Naftali kolla djan ap i berga Ebal, te shunenn le, hawo praassepen nai well pral i menshende win rakedo.

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

Josua 8:33

Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.

Josua 8:34

Pal kowa mukas o Josua kol tsele laba win te kharell, hoi i menshenge penenn, har te djiwenn le, te well o Debleskri bacht pral lende, un hawi bibacht pral lende well, te djiwenn le gar jaake. Kowa halauter his tardo an o Moseskro liil.