5. Mose 27:13 - O Debleskro Drom 2021 (Sinte)

¹³ Un i menshe dran i khera Ruben, Gad, Asser, Sebulon, Dan un Naftali kolla djan ap i berga Ebal, te shunenn le, hawo praassepen nai well pral i menshende win rakedo.

O Debleskro Lab 2024 (Sinte-Manouche)

¹³ Oun i menshe dran i khera Ruben, Gad, Asser, Zabulon, Dan oun Naftali kolla djan ap i berga Ebal, te shounenn le, havo praasepen nay vell pral i menshende vin rakedo.

5. Mose 27:13 ပူးပေါင်းရင်းမြစ်များ

1. Mose 29:32

Un i Lea was an wawar koowa un anas i tchawes ap i phub. Koles das joi ko lab Ruben un penas: “O baro Dewel dikas miri bibacht. Tchatchepah, kanna kamell man miro rom.”

1. Mose 30:20

Un penas: “O Dewel das man i kutch koowa. Kau kopo sharell man miro rom. Anom leske shob tchawen ap i phub.” Un joi das les ko lab Sebulon.

5. Mose 11:29

Te anell tumen tumaro baro Dewel an ko them, an koleste tumer wenn, te lenn les tumenge dren, palle denn koi bacht win gole ap i berga Garizim, un i bibacht ap i berga Ebal.

5. Mose 27:12

Te djan tumer wergel o panjestar Jordan, hunte djan i menshe dran i khera Simeon, Levi, Juda, Issachar, Josef un Benjamin ap i berga Garizim, te shunenn le hawi Debleskri bacht pral i menshende win rakedo well.

5. Mose 27:14

Un i Levitarja hunte denn ap i tsele murshende an Israel gole, un penenn:

Josua 8:33

Un i tsele Israelitarja, lengre phureder, pralstune un tchatchepangre mursha, ninna i wi-themarja mank lende, jon halauter his tardo ap kol dui rigja pash o mochton, kai i deesh laba dren hi, hoi o baro Dewel len das. Ap koi jek rig dikan le i berga Garizim, ap koi wawar rig dikan le i berga Ebal. Mank lende un o mochton his i rashaja tardo, kai o mochton hidjran, – kolla his Levitarja. I tsele menshe his jaake tardo har o Mose, o baro Debleskro budepaskro, glan i tsiro penas, te wenn le tardo ap ko diwes, kai well o Debleskri bacht pral lende wi-rakedo.