5. Mose 27:1 - O Debleskro Drom 2021 (Sinte)

¹ Un o Mose khetne i phureder murshentsa dran Israel penas ap i Israelitarja: Denn jak ap i tsele laba, hoi me tumenge kau diwes penom!

O Debleskro Lab 2024 (Sinte-Manouche)

¹ Oun o Mose khetne i phoureder morshentsa dran Israel penas ap i Israelitarya: Denn yak ap i tsele laba, hoy me t'menge kava dives penom!

5. Mose 27:1 ပူးပေါင်းရင်းမြစ်များ

1. Familjakro liil 28:8

Kanna penau tumenge glan i jaka i tsele Israelendar – jon hi o baro Debleskro kheer – un glan i kanda maro Deblestar: Rikrenn tumen ap i tsele laba tumaro baro Deblestar, un djiwenn koi pal! Palle nai atchenn tumer an kau latcho them, un nai denn les dureder ap tumare tchawende, kai pal tumende wenna, hake tsirenge.

Debleskri gili 78:7

jaake te rikrenn jon pengro tselo djijeha ap o Debleste, un bistrenn gar, hoi o Dewel lauter kras, un rikrenn lauter, hoi job penas,

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Johanni 15:14

Te krenn tumer, hoi me tumenge penom, han mire mala.

5. Mose 1:1

Kalla hi i laba, hoi o Mose ap i tsele Israelitarja penas, har his le an o mulo tato them ap i wawar rig o panjestar Jordan, an ko telstuno kotar them pash Suf mashkral o foro Paran ap jek rig un kol forja Tofel, Laban, Hazerot un Di-Sahab ap i wawar rig.

5. Mose 11:32

Jaake denn jak ap halauter, hoi o baro Dewel tumendar kamell, un ap leskre tsele tchatchepaskre laba, hoi me tumenge kau diwes penau. Un djiwenn koi pal!

5. Mose 26:16

O Mose penas: “Israel, kau diwes penell tiro baro Dewel tuke, te kress halauter, hoi job tutar kamell, un djiwess pal kol tsele tchatchepaskre laba. Rike len tiro tselo djijeha un tiri tseli sorjah.

5. Mose 26:19

Un job krell, te weh tu o pralstuno pral i tsele wawar natsjone, hoi job kras, te wess hadedo, sharedo un railo. Tumer wenn o baro Debleskre menshe, kai leske kokres koi hi, un kek wawareske har lengro Debleske. Kowa penas job.”

5. Mose 27:2

Ap ko diwes, kai tumer pral o lengsto pani Jordan wergel djan an ko them, hoi tumaro baro Dewel tumen dell, palle lenn bare barra, un tchiwenn len jek ap o wawar, un makenn len parnes.

5. Mose 6:17

Rikrenn mishto o baro Debleskre laba un djiwenn jaake, har tumaro Dewel tumenge sikras. Krenn, hoi job tumendar kamell!

Jakobo 2:10

Te rikreh tut ap i tsele laba, hoi an o Moseskre lila tchinlo hi, un te kreh tu jek tchilatcho koowa, palle hi kowa, har te rikrals tu tut ap tchi, un tu leh doosh ap tute.