5. Mose 26:5 - O Debleskro Drom 2021 (Sinte)

⁵ Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.

O Debleskro Lab 2024 (Sinte-Manouche)

⁵ Oun tou peness glan o baro Debleste, kay tiro Devel hi: “Miro phouro dad his i Aramari, koles kek them his, kay lo khere his. Oun yob djas peskri familyah an o them Egiptia, oun his kote i vi-themari. Leskre menshe his gar boudeder har i vast pherdo, oun kote van le boud oun boudeder, i bari zoreli natsyona.

5. Mose 26:5 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 24:4

Dja an miro dadeskro them, pash mire menshende! Kolengre tchendar le miro tchaweske Isaak i romjat!”

1. Mose 25:20

O Isaak his star-desha bersh phuro, har job romedineras i Rebekka. Lakro dad his o Betuel, un lakro phraal his o Laban. Kolla his Aramarja dran o them Paddan-Aram.

1. Mose 27:41

Kol latche laba, hoi o Isaak pral o Jakobeste rakras, kran, te was o Esau chojedo ap o Jakobeste. Doleske penas o Esau ap peste: “Ko tsiro wella sik, kai rowenn le pral miro dadeskro merepen. Te hi lo mulo, dau miro phrales mulo.”

1. Mose 28:5

Un o Isaak mukas o Jakobes te djal. Un job djas an o them Paddan-Aram pash o Laban. Koleskro dad his o Aramari Betuel. O Labaneskri pheen his i Rebekka, koi dai o Jakobestar un o Esaestar.

1. Mose 31:20

Un o Jakob chochras o Labanes, ko Aramari un penas leske gar, kai jon kaman penge te djal.

1. Mose 31:24

An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

1. Mose 31:40

Jaake djas mange: Ap o diwes maras man o kham un an i rati o shilapen. Bud kope nai sowom me gar.

1. Mose 43:12

Lenn dui kope jaake bud lowe peha har o ersto kopo. Tumer hunte denn kol lowe pale, kai hatsan an tumare gone. Nashte well jekeskri doosh, hoi job gar djinas.

1. Mose 45:11

Un me dau tut halauter, hoi tut hunte well djipaske. Jaake te wess gar tchorwelo, tu un tiri familja un lauter hoi tut hi. Pantch bersha hi glan mende, kai hi i menshen tchi te chal.’

1. Mose 45:7

Un o Dewel bitchras man glan tumende an kau them, te lell job tumen dran i bari bok win, te atchenn tumer un tumare tchawe djido ap i phub.

1. Mose 46:27

O Josefes his dui tchawe, kai an o them Egiptia bolde wan. Khetne lentsa his jon efta-desha menshe an o Jakobeskri familja, kai djan an o them Egiptia.

1. Mose 47:27

Un i Israelitarja djiwan an o them Egiptia, an o them Gosen, lan bud tchawe un wan bud bud menshe.

1. Mose 47:4

Un jon penan ninna: “I bok hi baro an o them Kanaan. Hi kek senlepen chapaske mare bakrenge. Doleske wam mer, te atchas i tsiro kai. Kanna mangah tut, miro rai, muk men te djiwell an o them Gosen.”

2. Mose 1:12

Ninna te djan le soreles ap lende, wan jon budeder un sorleder. Un i Egiptarja daran lendar,

2. Mose 1:5

Khetne pengre tchawentsa un tchawengre tchawentsa his le 70 (efta-deesh). O Josef his glan lende an o them Egiptia.

2. Mose 1:7

Lengre tchawe lan jaake bud tchawe, kai was o them pherdo lendar.

Hosea 12:12

An o foro Gilead mangenn le chochene deblen an. Tchi-moldo hi kolla, kai kowa krenna! An o foro Gilgal marenn le gurma i chochene deblenge. Doleske wenn lengre pre-tchidde barra trujel dino, un atchenn tchiddo ap i hachetikri phub.

Hosea 12:13

O Jakob hunte nashas peske an o them Aram, un o Israel hunte budras i wawareske, te lell lo i romjat, un hunte das jak ap i bakre, te nai romedinerell lo lat.

Bičepangre 7:15

Jaake was o Jakob an o them Egiptia, un kote djiwas lo peskre tchawentsa. Kolla hi mare phure. Un kote meran le ninna.

5. Mose 1:10

Tumaro baro Dewel kras tumen jaake bud. Tumer han kau diwes jaake bud har kol momlia an o bolepen hi.

5. Mose 10:22

70 (efta-deesh) menshe his tumare phure, har le an o them Egiptia tele djan. Un kanna kras tumaro baro Dewel tumendar jaake bud har i bolepangre momlia.

5. Mose 26:4

Un ko rashai lell koi korba dran tiro wast un tchiwell lat glan i chatchepaskri, kai o baro Debleske chapen un vieche chatchedo wenna.

5. Mose 7:7

Kowa kras lo gar doleske, kai hans budeder har kol wawar. Na-a, tumer han i tikneder natsjona har kol wawar.