5. Mose 26:2 - O Debleskro Drom 2021 (Sinte)

² palle less tu ko ersto djob, hoi ap tiro phub bares was. Un tu tchiwess les an i korba un aness les pash koi platsa, kai job kamell, te well lo kote an-mangedo.

O Debleskro Lab 2024 (Sinte-Manouche)

² palle less tou ko ersto djob, hoy ap tiro phoub bares vas. Oun tou čivess les an i korba oun aness les pash koy platsa, kay yob kamell, te vell lo kote an-mangedo.

5. Mose 26:2 ပူးပေါင်းရင်းမြစ်များ

2. Rajengro liil 4:42

Koi was i mursh dran o them Baal-Shalisha un anas ko Debleskro mursheske maro dran newo djob: biish mare, un ninna newo djob an i gono. Un o Elisa penas ap peskro budepaskro: “De kowa i menshende chapaske!”

2. Familjakro liil 31:5

Un har i menshe ko lab shunan, dan le bud kolestar, hoi pash lende bares was: o feteder djob, mool, djet, gwin un kolestar, hoi ap lengri hachetikri phub bares was. Ninna o deshto kotar halauterestar anan le, un kowa his bud.

2. Familjakro liil 6:6

Kanna rodom mange Jerusalem win, te wap kote an-mangedo. Un me rodom mange o Davides win, te well job o rai pral mire menshende Israel.’

Nehemia 12:44

An ko tsiro wan mursha win rodedo, kai jak hunte dan ap kol khera, kai o chapen dren anlo was, hoi i Israelitarja jaake hunte dan, har an o Moseskro liil tchinlo his: newo djob un newe rukengre, un o deshto kotar lauterestar, hoi le ap pengri phub trul i forja dren anan. Kowa lauter his i rashajenge un i Levitarenge. Un kol menshe an Juda his bachtelo pral pengre rashaja un Levitarja,

Nehemia 13:31

Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 23:16

Rikrenn ninna bare diwessa mange an ko tsiro, kai anenn o newo djob dren. Un bare diwessa rikrenn mange ninna an ko tsiro pal i nijal, te anan i drake dren, un lauter, hoi bares was ap i ruka un ap tiri phub.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 34:26

Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

Jeremia 2:3

An ko tsiro hals mange kokres koi, jaake har o newo djob mange hi. Koon tut an-tapras, anas doosh ap peste, un i bibacht was pral leste. Kowa penell o baro Dewel.

Ezekiel 20:40

Ap miri bari berga an Israel, kai me djiwau, kote mangenn man i tsele Israelitarja an, halauter kai an o them hi. Un me lau len an o latchepen an, un kamau, te anenn le mange kote viechen un djob, jaake har glan tchinlo hi, ninna ko koowa, hoi mange ap i rig tchiwan.

Ezekiel 44:30

Ninna o feteder djob kolestar, hoi newes baro was, un kowa, hoi hunte denn i menshe o Debleske, hi i rashajenge. Anenn lenge ninna i erste mare, hoi o newo djobestar peklo wan. Koon kowa krell, ap koleste un leskri familja well o Debleskri bacht.

Ezekiel 48:14

Un i Levitarja hunte bikrenn tchi pengro themestar un tchi parenn. Kau fetester kotar them hunte well gar an i wawarengre wasta. Kau kotar them was o baro Debleske dino.

3. Mose 2:12

Ap ko tsiro, kai anenn o newo djob o baro Debleske, nai anenn tumer shutlo jarro un gwin, – ap leskri chatchepaskri nai chatchrenn kowa gar. Kowa hi kek koowa, hoi chatchedo well, te sungell lo latches o Debleske.

3. Mose 2:14

Te kameh tu tiro newo djob glan o baro Debleste te anell, palle le ko djob un peke les pral i jag, un kre les tikno un an les glan o Debleste!

Remarja 11:16

Hako bersh well o djob tchinlo, un dell newo maro. Te denn le i kotar newo maro o Debleste, hi kowa jaake, har te well o tselo maro o Debleste dino. Jaake hi ninna pash o ruk. Te was leskro drab o Debleste dino, palle hi ninna leskre kashta o Debleske.

Remarja 16:5

Penenn ninna latche laba mandar ap kol patslende, kai an lengro kheer khetne wenna, un ap miro latcho maal, o Epaineto. Job was o ersto patslo an o them Asia.

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

1. Korintarja 15:23

Hakeno ap peskro tsiro: O Jesus Kristo hi o glanstuno. Te well lo pale, stenn kolla pre, kai ap leste patsan.

1. Korintarja 16:2

Hako kurko tchiwell hakeno tumendar jaake bud lowe ap i rig, har leske djala. Jaake hunte tchiwenn kol lowe gar khetne ap ko diwes, kai wau pash tumende.

5. Mose 16:10

awenn khetne glan tumaro baro Debleste, ap koi platsa, kai job peske win rodell, te well lo kote an-mangedo. Anenn leske kolestar, hoi dren anan, kowa, hoi kamenn tumendar win dran tumaro wast te dell, jaake har tumaro baro Dewel tumende peskri bacht das. Un awenn bachteles glan leste, tumer un tumare tchawe, un tumare budepangre un i Levitarja un i wi-themarja, kai pash tumende djiwenn, ninna kol tchawe kek dadeha un kol djuwjen kolengro rom meras.

5. Mose 18:4

Ninna well i rashajen hako bersh o newo djobestar, i newi moljatar un o newo djetestar, hoi tumer dren anan. Ninna o bakrengro bal, hoi o ersto kopo tele tchinlo well, hi lenge.

5. Mose 26:1

An ko tsiro, kai wal an ko them, hoi tiro baro Dewel tut dell, te well lo tiro, un tu djiweh koi,

5. Mose 26:3

Un tu djas pash o rashajeste, kai an kol diwessa koi hi, un peness ap leste: “Me mukau kau diwes tiro baro Debles te djinell, te wom an ko them, kolestar o baro Dewel pes sowel das glan mare phurende, te dell lo les mende.”

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.

Josua 18:1

Un i tsele Israelitarja wan khetne an o foro Shilo, un tchiwan kote o Debleskro plachteno kheer pre. Ninna te his o them an lengro wast un jon his rai pral leste,

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.