5. Mose 26:17 - O Debleskro Drom 2021 (Sinte)

¹⁷ Kau diwes penas o baro Dewel tuke, te hi lo tiro Dewel, un kamell, te djas tu ap leskre dromma un kress, hoi lo tutar kamell, un djiwess pal leskre laba un leskro tchatchepen, un shuness ap leste.

O Debleskro Lab 2024 (Sinte-Manouche)

¹⁷ Kava dives penas o baro Devel touke, te hi lo tiro Devel, oun kamell, te djas tou ap leskre dromma oun kress, hoy lo toutar kamell, oun djivess pal leskre laba oun leskro čačepen, oun shouness ap leste.

5. Mose 26:17 ပူးပေါင်းရင်းမြစ်များ

1. Mose 28:21

jaake te wap pale mishto an miro dadeskro kheer, hi job miro Dewel.

2. Familjakro liil 34:31

Un o baro rai his ap peskri platsa tardo un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi.

Debleskri gili 48:14

Denn jak ap i pre-tchidde barra trul o foro un i sorele khera an o foro, jaake te nai penenn kowa tumare tchawenge.

2. Mose 15:2

Peskri sorjah was o baro Dewel ap miri rig. Miri giljah sharau les dran o dji. Job las man win. Miro Dewel hi lo, un me kamau les te sharell. Miro dadeskro Dewel hi lo, un me kamau les pre te hadell.

2. Mose 19:8

Un i tsele menshe penan har dran jek mui: “Lauter kowa, hoi o baro Dewel penas, kowa kamah te krell.” Un o Mose penas o baro Debleske, hoi i tsele Israelitarja penan.

2. Mose 20:19

Un jon penan ap o Moseste: “Rake tu mentsa, un mer kamah kowa te shunell un krell, hoi tu peneh. Mer kamah gar, te rakrell o Dewel mentsa, te meras gar.”

2. Mose 24:7

Un job las o liil, kai job dren tchinas, hoi o baro Dewel peskre menshendar kamella, un draweras kau liil i menshenge glan. Un i tsele menshe penan: “Lauter, hoi o baro Dewel penas, kamah mer te krell, un ap leste shunell.”

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 44:5

Jek pal o wawar penell: O baro Dewel hi miro rai. Bud kamenn tire menshe te well. Jon tchinenn ap pengro wast: ‘Me hom o baro Debleske’, un kharenn pen ‘Debleskre menshe’.

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Bičepangre 27:23

Kai rat was i bolepaskro pash mande. Koles bitchras miro Dewel, koleske budrau.

Remarja 6:13

Denn jak, te krenn tchi tumare wastentsa, herjentsa, jakentsa un mujentsa, hoi krell o tchilatchepen ap kai phub sorleder! Djiwenn o tselo djijeha o Debleske, har sawe, kai his mulo, un wan pale djido. Krenn kowa lauter, hoi krell o latchepen sorleder!

2. Korintarja 8:5

Kowa, hoi jon kran, his budeder har mer patsam. Jon tchiwan pen an o wast o Jesusestar, maro rajestar, un pal kowa an mare wasta, jaake har o Dewel kowa kamas.

5. Mose 13:18

Un rikrenn tumenge tchi kolestar, hoi hunte kran paash! Palle lell o baro Dewel peskri bari choli tumendar krik, un well tumenge latcho, un krell tumenge pale peskro dji pre, te krell lo tumendar bud un budeder menshe, jaake har lo pes glan tumare phurende sowel das.

5. Mose 27:10

Doleske shunenn ap leste, un rikrenn tumen ap leskre laba un ap leskro tchatchepen, hoi tumenge kau diwes penau!”

5. Mose 30:16

Te krenn tumer, hoi me tumenge kau diwes penom, un kamenn tumaro baro Debles un djan ap leskre dromma, un djiwenn pal leskre laba un krenn, hoi job tumendar kamell un rikrenn tumen ap leskre tchatchepaskre laba, palle atchenn tumer djido. Un tumendar wenn bud menshe. Un tumaro baro Dewel tchiwell peskri bacht ap tumende an o them, kai dren djan, te lenn les tumenge dren.

Josua 22:5

Un denn jak, te rikrenn o Debleskre laba un djan ap leskro drom, hoi sikras tumen o Mose, koles o baro Debleskro tchatcho wast his, har penas lo: Kamenn tumaro baro Debles o tselo djijestar. Djan ap leskre tsele dromma! Djiwenn pal leskre laba un mukenn les gar! Awenn leske koi o tselo djijestar un tumari tseli sorjah!”

Josua 24:22

Kote penas o Josua ap i tsele menshende: “Tumer han kolla, kai dikan un shunan, har tumer penan: Mer rodam o baro Debles win, te mangas les an.” Un jon penan: “Awa, jaake hi kowa.”