5. Mose 26:13 - O Debleskro Drom 2021 (Sinte)

¹³ Un tu peness glan o baro Debleste, kai tiro Dewel hi: “Me anom mandar kowa, hoi tiro hi, un dom les o Levitarjen un o wi-themarjen un kol tchawen, kolen kek dad buder hi un kol romjen, kolengro rom meras. Pal halauter krom me har tu penal. Un me rikrom tire laba un bistrom kek lendar.

O Debleskro Lab 2024 (Sinte-Manouche)

¹³ Oun tou peness glan o baro Debleste, kay tiro Devel hi: “Me anom mandar kova, hoy tiro hi, oun dom les o Levitaryen oun o vi-themaryen oun kol čaven, kolen kek dad bouder hi oun kol romyen, kolengro rom meras. Pal halauter krom me har tou penal. Oun me rikrom tire laba oun bistrom kek lendar.

5. Mose 26:13 ပူးပေါင်းရင်းမြစ်များ

Debleskri gili 119:139

I choli tapras man un kamas man pre te chatchrell, har dikom, kai bistran kolla tire laba, kai mange o djipen phares krenna.

Debleskri gili 119:141

Ninna te hom gar an-diklo, un i menshe dikenn tele ap mande, bistrau me tchi, hoi menge penal, te kras mer.

Debleskri gili 119:153

Dik, har djungeles mange djal un le man win dran i bibacht! Tiro drom bistrom me gar.

Debleskri gili 119:176

Me hom har i bakro, hoi nashedo djas. Rode man, tiro budepaskres, me bistrom tire laba gar!

Debleskri gili 119:93

An kek tsiro kamau te bistrap hoi tu menge penal, te kras mer. Dran tire laba rikreh tu man djido.

Debleskri gili 26:6

Me thowau mire wasta, te sikrap, kai hi kek doosh ap mande, un djau kote, kai wenn vieche tuke chatchedo,

Gosewe laba 3:1

Miro tchawo, ma biste kowa, hoi tuke sikrom, rike mire laba an tiro dji!

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

2. Korintarja 11:31

O Dewel, ko dad o Jesusestar, maro rajestar, djinella, kai penau o tchatchepen. Les sharas mer hako tsiro.

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 26:12

Hako triinto bersh aness tu o deshto kotar khetne halauterestar, hoi ap tiri phub bares was. Un tu dess les i Levitarjen un i wi-themarjen un kol tchawen, kolen kek dad buder hi, un kol romjen, kolengro rom meras, te well jon ninna doha chapaske an tiro foro.

5. Mose 26:14

Me shunom ap tute, miro baro Debleste un krom lauter jaake, har tu mange penal: An ko tsiro, kai rowom i muleske, chom kek chapen, hoi tut dino his. Un taprom tchi kolestar, har pale-tchiddo homs. Un dom tchi kolestar i mulenge.

1. Tessalonikarja 2:10

O Dewel dikas, har djiwam mashkral tumende. Un tumer, kai ap leste patsenna, dikan ninna, te djiwam jaake pash tumende har o Dewel kamella, un djam pal o tchatchepen, te hatsas kek i doosh ap mende.